|
2023-06-20 12:49:15, 1151 ნახვა
საზოგადოება
ლევან ბერძენიშვილს ჭავჭავაძის გამზირზე თავს დაესხნენ - აგრესიულმა პირმა მას შეურაცხყოფა მიაყენა და კვერცხები ესროლა
თბილისში, ჭავჭავაძის გამზირზე "რესპუბლიკური პარტიის" ყოფილ თავმჯდომარეს, ლევან ბერძენიშვილს თავს დაესხნენ. როგორც ბერძენიშვილმა "მთავარ არხს" განუცხადა, ლექციიდან გამოსულს ახალგაზრდა კაცმა შეურაცხყოფა მიაყენა და კვერცხები ესროლა. ბერძენიშვილის თქმით, შემთხვევის შედეგად არ დაშავებულა. "თავდამსხმელს არ ვიცნობ. მე გამოვედი ლექციიდან, ვაპირებდი წასვლას მეორე ლექციაზე სხვა უნივერსიტეტი. ახალგაზრდა კაცი იყო, დაიწყო გამოსვლა - მოღალატე, ერეკლე, რა თქმა უნდა, მერე დედის გინება. მე არ ვჩერდებოდი, მაგრამ მოქალაქე მეუბნება, რომ უნდა გავჩერდე, უნდა მოვუსმინო ერეკლეს მცველს. უნდა გითხრათ, რომ ლექსიკის მიხედვით და ა.შ. ძალიან მოუმზადებელი კადრი იყო. მერე კვერცხიც აღმოაჩნდა ჯიბეში, ისიც ისროლა, ამაცილა. მე რა შემიძლია ვუთხრა აღშფოთებულ მოქალაქეებს - ივარჯიშეთ, კვერცხი სროლაც საქმეა, მაგასაც ოსტატობა სჭირდება",- ამბობს ბერძენიშვილი. მისივე თქმით, მომხდარის გამო სამართალდამცავი უწყებისთვის არ მიუმართავს. "ეს არ დამთავრდება იმიტომ, რომ ხელისუფლებას მიცემული აქვს ბრძანება, რომ ყოველდღე რაღაც უნდა მოხდეს. იყო ზურა "გირჩი", ახლა იყო ლევან ბერძენიშვილი, მერე სხვა და ჩვენ რომელიღაც ირაკლი კობახიძე გვეტყვის, რომ ეს არის აღშფოთებული მოქალაქე... ეს მოქალაქე იყო ბიძინა ივანიშვილის კრებითი სახე. სხვათა შორის, მეტყველებდა, ზუსტად ისე, როგორც ჩვენი ბიძინა, ამანაც ლაპარაკი არ იცოდა, დედის გინება იცოდა კარგად... არ მიმართავს პოლიციისთვის და არც მივმართავ იმიტომ, რომ მე არ ვთვლი, რომ ეს პოლიცია ჩემს მხარეს იქნება. პოლიციის მოგზავნილია ეს ხალხი და ხელისუფლების",- თქვა ლევან ბერძენიშვილმა.
ლაშა ფარულავა - 27 ტენდერიდან მოპარულია 41 მილიონი ლარი და ამ პოლიტიკური პასუხისმგებლობას, კახი კალაძე ვერ გაექცევა!
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



