არახამიას ვუპასუხებდი და ვურჩევდი, რომ საქართველოს და ჩვენს ხელისუფლებას ვიდრე რამეს ურჩევს, მით უმეტეს ასეთ მტკიცებით ფორმაში და რამე ჭკუის დარიგებას დაგვიწყებს, ჯერ იქნებ ეს ქართულად გვითხრას,- ასე ეხმაურება „ქართული ოცნების“ დეპუტატი ალუდა ღუდუშაური უკრაინის რადას მმართველი ფრაქციის თავმჯდომარის, დავით არახამიას განცხადებას.

როგორც ღუდუშაურმა მედიის წარმომადგენლებს უთხრა, არახამია უკრაინას და უკრაინელ ხალხს არ წარმოადგენს.

„ჩვენ ვდგავართ უკრაინელ ხალხთან ერთად. ვუსურვებთ უკრაინას, ბუნებრივია, გამარჯვებას და დროულად ვუსურვებთ სტაბილურ მშვიდობას, თუმცა არახამია ვერ და არ წარმოადგენს უკრაინელ ხალხს და უკრაინას მთლიანად. მისი ცალკეული შეფასებები და სუბიექტური მოსაზრებები არის ცნობილი ყველასთვის. აქედან გამომდინარე, დავით არახამიას ჭკუის სასწავლებელი საქართველოს, ქართველ ხალხს, საქართველოს ხელისუფლებას არაფერი სჭირს“,- ამბობს ღუდუშაური.

ცნობისთვის, უკრაინის რადას მმართველი ფრაქციის თავმჯდომარემ, დავით არახამიამ განაცხადა, რომ კარგი იქნებოდა, თუ საქართველოს ხელისუფლება რუსულ აქტივებს გაყინავდა.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა