2023-06-12 12:18:37, 856 ნახვა
საზოგადოება
სახალხო დამცველი - 83 წლის ადამიანს რომ ასე მოექცევი, არ არის ყველაზე საამაყო, რაც შეიძლება გააკეთო
საქართველოს სახალხო დამცველი ლევან იოსელიანი, მეცნიერებათა აკადემიის ახალ პრეზიდენტთან, როინ მეტრეველთან დაკავშირებით, "მთავარი არხის" ჟურნალისტის, ბექა ყორშიას სიუჟეტს ეხმაურება.
"83 წლის ადამიანს რომ ასე მოექცევი, არ არის ყველაზე საამაყო, რაც შეიძლება გააკეთო, სხვა ყველაფერი მეორეხარისხოვანია",- წერს იოსელიანი სოციალურ ქსელში.
"მთავარი არხის" ჟურნალისტი ბექა ყორშია საქართველოს მეცნიერებათა აკადემიის პრეზიდენტის თანამდებობაზე ახლადდანიშნულ როინ მეტრეველს დაუკავშირდა და გაეცნო, როგორც პრემიერ-მინისტრის აპარატის მრჩეველი აკა მამაცაშვილი. მან მეტრეველს არაფორმალური სახით პრემიერ-მინისტრ ირაკლი ღარიბაშვილისთვის აკადემიკოსის სტატუსის მინიჭება სთხოვა, რაზეც დადებითი პასუხი მიიღო.
ავტორი: ექსპრესნიუსი,
epn.ge (@expressnews.ge)
