|
2023-06-09 16:36:56, 740 ნახვა
საზოგადოება
ნაფიც მსაჯულთა სასამართლოს საკითხებზე, მართლმსაჯულების საკოორდინაციო საბჭოს (bench & bar) მორიგი სამუშაო შეხვედრა გაიმართა
აშშ-ის საელჩოს მხარდაჭერით, პროკურორებისა და ადვოკატების მონაწილეობით მართლმსაჯულების საკოორდინაციო საბჭოს (bench & bar) კიდევ ერთი სამუშაო შეხვედრა გაიმართა. შეხვედრას ატლანტას შტატის მოსამართლეები ენნ ჰარისი და ჯეიმს ბოდიფორდი ესწრებოდნენ. აღნიშნულის შესახებ ინფორმაციას საქართველოს გენერალური პროკურატურა ავრცელებს. უწყების ცნობით, სამუშაო შეხვედრისას მონაწილეებმა ნაფიც მსაჯულთა სასამართლო ინსტიტუტის გამოწვევებზე ისაუბრეს და ამერიკის შეერთებულ შტატებში დამკვიდრებული საუკეთესო პრაქტიკის შესახებ ინფორმაცია მოისმინეს. პროკურორებმა და ადვოკატებმა ამერიკელ მოსამართლეებთან ერთად ნაფიც მსაჯულთა აცილებისა და თვითაცილების წესსა და სტანდარტებზე იმსჯელეს, ნაფიც მსაჯულთა წინაშე მტკიცებულებათა გამოკვლევისას გამოვლენილი ხარვეზები განიხილეს და მისი გადაჭრის გზებზე შეთანხმდნენ. „შეხვედრის მიმდინარეობისას, საქართველოს გენერალური პროკურატურის ნაფიც მსაჯულთა სასამართლოს განსახილველ საქმეებზე ზედამხედველობისა და სახელმწიფო ბრალდების ეფექტიანი მხარდაჭერის დეპარტამენტის უფროსმა ნინო აღლემაშვილმა და ადვოკატთა ასოციაციის აღმასრულებელმა მდივანმა გიორგი ჭეხანმა ამერიკის შეერთებული შტატების საელჩოს წლების განმავლობაში გაწეული დახმარებისთვის მადლობა გადაუხადეს. ასევე, მონაწილეებს სიტყვით მიმართა აშშ-ის საელჩოს უფროსმა მრჩეველმა მართლმსაჯულების საკითხებში, პატრიცია ვილდემურტმა. მართლმსაჯულების საკოორდინაციო საბჭოს (bench & bar) მიზანია ხელი შეუწყოს იურიდიული პროფესიის გაძლიერებას, პროფესიათა შორის ურთიერთპატივისცემას, ჯანსაღი კოლეგიალური დამოკიდებულებისა და საერთო ეთიკური პრინციპების დამკვიდრებას“,- აღნიშნულია ინფორმაციაში.
რესპუბლიკელები რუსეთთან საბრძოლველად 300 მილიონი დოლარის გამოყოფას ითხოვენ
დაკავებულია პირი, რომელმაც ყოფილი მეუღლის მკვლელობა განიზრახა და ნაცნობს 25 000 დოლარის სანაცვლოდ, ქილერის მოძიება დაავალა
ევროკავშირის HICP მეთოდოლოგიით დათვლილი წლიური ინფლაცია საქართველოში 5.7%-ის ფარგლებში ფიქსირდება
პაპუაშვილი – ბათუმის პროცესი მართლაც იქცა ქართულ ნიურნბერგის პროცესად
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



