2 ივნისის აქციაზე დაკავებული აქტივისტები საბა ბრაჭველი, ნიკა რომანაძე და საქართველოს დემოკრატიული ინიციატივის (GDI) თავმჯდომარე, იურისტი ედუარდ მარიკაშვილი თელავის დროებითი მოთავსების იზოლატორიდან გაათავისუფლეს. აღნიშნულის შესახებ ინფორმაციას რაფიელ კაკაბაძე სოციალურ ქსელში ავრცელებს. 

როგორც ედუარდ მარიკაშვილმა, იზოლატორის დატოვების შემდეგ ჟურნალისტებს განუცხადა, "ამ ქვეყანაში არსებობენ ადამიანები, რომელბსაც 4 კედლით და 12 კვადრატით ვერ შეაშინებ".

"ამაზე თავისუფალი აქამდე არასდროს ვყოფილვარ - დაკავებული თეთრი ფურცლის ხელში ჭერის გამო იმ ადამიანების ციხეში, ვგულისხმობ ბიძინა ივანიშვილსა და ხელისუფლებას, რომლებიც ფიქრობენ, რომ ციხით შეაშინებენ ადამიანებს, რომლებიც ღირებულებებისთვის იბრძვიან. მე მგონია, რომ ამ ქვეყანაში არსებობენ ადამიანები, რომელბსაც 4 კედლით და 12 კვადრატით ვერ შეაშინებ",- განაცხადა მარიკაშვილმა.

გუშინ, 4 ივნისს იზოლატორიდან გათავისუფლდნენ ასევე აქტივისტები ლევან ნიშნიანიძე და ლაშა ჯანჯღავა. აქტივისტები დუშეთის წინასწარი დაკავების იზოლატორიდან ხელწერილის საფუძველზე გამოუშვეს.

ცნობისთვის, 2 ივნისს, პარლამენტთან აქციაზე პოლიციამ ბანერების გამო 10-მდე მოქალაქე დააკავა. 

3 ივნისს, "საქართველოს ახალგაზრდა იურისტთა ასოციაციის" თავმჯდომარემ, ნონა ქურდოვანიძემ განაცხადა, რომ შინაგან საქმეთა სამინისტრომ დაკავებულ უფლებადამცველებსა და სამოქალაქო აქტივისტებს დაკავების 24-საათიანი ვადა 48 საათამდე გაუგრძელა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს