გარემოს დაცვისა და სოფლის მეურნეობის სამინისტროს, მასში შემავალი შესაბამისი უწყებების, საერთაშორისო და არასამთავრობო ორგანიზაციების წარმომადგენლებმა და ექსპერტებმა, პროექტის „გადავარჩინოთ ბუნება - საქართველო“ ფარგლებში, სახეობათა აღდგენის ეროვნული გეგმის საკითხები სამუშაო შეხვედრაზე განიხილეს. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

უწყების ცნობთ, სახეობათა აღდგენის ეროვნული გეგმა, რომელიც იქნება აღდგენის ღონისძიებების დაგეგმვისა და განხორციელების სახელმძღვანელო დოკუმენტი, ბუნების დაცვის მსოფლიო კავშირის (IUCN) პრინციპების შესაბამისად, მოიცავს თევზების, ამფიბიების, ქვეწარმავლების, ფრინველების, ძუძუმწოვრების და უმაღლეს მცენარეთა შესაბამისი სახეობების შერჩევას.

„სახეობათა აღდგენის ეროვნული გეგმის მოსამზადებლად, შეხვედრის მონაწილეებმა მოსაზრებები და რეკომენდაციები გამოთქვეს სახეობების შერჩევის და პრიორიტეტიზაციის მეთოდიკასა და კრიტერიუმებთან დაკავშირებით.

პროექტი „გადავარჩინოთ ბუნება - საქართველო“, გარემოს დაცვისა და სოფლის მეურნეობის სამინისტროს მიერ შვედეთის სამეფოს მთავრობის საერთაშორისო განვითარების თანამშრომლობის სააგენტოს (Sida) ფინანსური მხარდაჭერით, 2021 წლიდან ხორციელდება. პროექტი მიზნად ისახავს საქართველოში ბუნებრივი რესურსების მდგრადი მართვის გაუმჯობესებას, ბიომრავალფეროვნების დაცვისა და აღდგენის ხელშეწყობას, ჰაერის ხარისხის გაუმჯობესებას და სამინისტროსა და მასში შემავალი უწყებების ინსტიტუციური შესაძლებლობების გაძლიერებას“,- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ტრამპი - ჩემი მთლიანი ყურადღება არის პრეზიდენტობისკენ, რათა ამერიკა კვლავ დიდებულად ვაქციოთ

დავითაშვილი - მგზავრთნაკადისა და ავიარეისების ზრდის შესაბამისად, ქვეყნისთვის ძალიან მნიშვნელოვანია როგორც საერთაშორისო, ისე შიდა აეროპორტების განვითარება

ომბუდსმენი „შეკრებებისა და მანიფესტაციების შესახებ“ კანონზე - გამოხატვისა და შეკრების თავისუფლებაში ინტენსიური ჩარევაა

ნატოს გენერალური მდივნის მოადგილე - ნატო უკრაინის გრძელვადიან მხარდაჭერას კვლავ ადასტურებს