"ნიკა გვარამიას თავისუფლების მოძრაობის" წევრები, ჟურნალისტები და აქტივისტები მთავარი არხის დამფუძნებლის გათავისუფლების მოთხოვნით აქციას მართავენ.

მსვლელობა მთავარი არხის ოფისიდან დაიწყო და აქტივისტები ორბელიანების სასახლესთან მივლენ, რათა საქართველოს პრეზიდენტს მოუწოდონ, შეიწყალოს ნიკა გვარამია.

აქციის მონაწილეები სალომე ზურაბიშვილს ბრიუსელში ვიზიტამდე შეახსენებენ, რომ მედია მენეჯერის პოლიტიკური პატიმრობა ერთ ერთი მთავარი შემაფერხებელი ფაქტორია საქართველოს ევროინტეგრაციის გზაზე.

"ერთიანი ნაციონალური მოძრაობის" ყოფილი თავმჯდომარე ნიკა მელია მხარდამჭერებთან ერთად, ნიკა გვარამიას თავისუფლების მოძრაობის აქციას პუშკინის სკვერიდან პრეზიდენტის ადმინისტრაციამდე მსვლელობით უერთდება.

"მე აქ ვარ, როგორც ადამიანი, ვინც ვალშია ნიკა გვარამიასთან. როცა მე ვიყავი, იქ სადაც, ჩემის აზრით არ უნდა ვყოფილიყავი და ნიკა იყო თავისუფალი, ყველაფერს აკეთებდა და უსამართლობის წინააღმდეგ ბრძოლის ავანგარდში იყო, რომ იქიდან სწრაფად გამოვსულიყავი. ამიტომ, ჩემი ვალდებულებაა, როგორც მოქალაქის, რომ ყველაფერი ვქნა რომ ნიკა გვარამია ძალიან სწრაფად გამოვიდეს", - თქვა ნიკა მელიამ.

სალომე ზურაბიშვილი 31 მაისს ევროპარლამენტში სიტყვით გამოვა. სწორედ ბრიუსელში ვიზიტამდე რამდენიმე დღით ადრე, ნიკა გვარამიას თავისუფლების მოძრაობის წევრები პრეზიდენტს ამ აქციით ახსენებენ ევროპის ერთ-ერთ მთავარ მოთხოვნას - არ ჰყავდეს ქვეყანას პოლიტიკური პატიმარი და კრიტიკული მედიის მენეჯერი ტყვეობაში. აქციის მონაწილეები სალომე ზურაბიშვილს მოუწოდებენ, ის პროევროპული პოზიცია, რაც მის განცხადებებში ისმის, საქმითაც გაამყაროს. 
 

ავტორი: ექსპრესნიუსი,

სოციალური ქსელები

დააკავეს პირი რომელმაც სენაკში სამი ადამიანი დაჭრა

საქართველოში ამინდი გაუარესდება

COP31-ის ათასობით მონაწილე, ლგბტ თემის წარმომადგენლებთან ერთად, ანტალიის ქუჩებში პროტესტის ნიშნად გამოვიდა

ალიასკამ 1998 წლის შემდეგ პირველად აირჩია დემოკრატი გუბერნატორი