2023-05-26 09:08:36, 600 ნახვა
პოლიტიკა
რომის პაპი ზურაბიშვილს - გიგზავნით მილოცვასა და მხურვალე სურვილს თქვენი ქვეყნის კეთილდღეობისთვის
![]() გიგზავნით მილოცვასა და მხურვალე სურვილს თქვენი ქვეყნის კეთილდღეობისთვის,- ასე ულოცავს რომის პაპი ფრანცისკე საქართველოს დამოუკიდებლობის დღეს. წერილს, რომელიც რომის პაპმა საქართველოს პრეზიდენტს, სალომე ზურაბიშვილს გაუგზავნა "ექსპრესნიუსი" უცვლელად გთავაზობთ: "საქართველოს დამოუკიდებლობის დღის აღსანიშნავად, თქვენს აღმატებულებას ვუგზავნი ჩემს მილოცვასა და მხურვალე სურვილს თქვენი ქვეყნის კეთილდღეობისა და გულების გაერთიანებისთვის, განსაცდელის დროს. ვევედრები უფალს, რომ თქვენი ერი, რომელიც საზრდოობს ევანგელური ფასეულობებით, დარჩეს სანიმუშო და მგრძნობიარე ყველაზე ღარიბთა ტანჯვის მიმართ და შეძლოს რეაგირება მოახდინოს ქველმოქმედებით. ყოვლისშემძლე ღმერთმა, წმინდა გიორგის შუამდგომლობით, თქვენს თანამოქალაქეებს მიანიჭოს უსაფრთხოდ და მშვიდად ცხოვრების შესაძლებლობა. ვუძღვნი ღვთიურ კურთხევას თქვენს აღმატებულებას, ყველა საჯარო მოხელესა და მთელს ქართველ ერს",- აღნიშნულია წერილში. საქართველო დღეს, 26 მაისს დამოუკიდებლობის დღეს აღნიშნავს. ეროვნულ დღესასწაულთან დაკავშირებით, მთელი ქვეყნის მასშტაბით, თბილისსა და რეგიონებში საზეიმო ღონისძიებებია დაგეგმილი. დამოუკიდებლობის დღე დედაქალაქში თავისუფლების მოედანზე, 11:00 საათზე მთავარი სამხედრო ღონისძიებით - უფროსი სერჟანტის, ზაზა ფერაძის სახელობის საბრძოლო მომზადების ცენტრის რეკრუტების ფიცის დადების ცერემონიალით დაიწყება. ფიცის დადების ცერემონია თბილისთან ერთად, 10 რეგიონში გაიმართება. საქართველოს დამოუკიდებლობის დღისადმი მიძღვნილი საზეიმო ღონისძიებები გალა-კონცერტით დასრულდება.
ფერადი შოუ წვიმაში: 2024 წლის ოლიმპიადის გახსნის ცერემონია პარიზში
ვაშაძე: დიახ, ჩვენ ვაპირებთ რუსეთთან ვაჭრობის გაგრძელებას
რუხის რესპუბლიკურმა საავადმყოფომ, ონკოლოგიური პაციენტებისთვის, პრეპარატების კლინიკაში უზრუნველყოფა უკვე დაიწყო
ეროვნული თავდაცვის აკადემიაში მაგისტრატურის პროგრამის კურსდამთავრებულთა გამოშვების ღონისძიება გაიმართა
|
ომი უკრაინაში![]() პოდოლიაკი - რუსეთთან შეთანხმების ხელმოწერა ეშმაკთან გარიგების ტოლფასია
![]() ბერბოკი მოუწოდებს ჩინეთს, უკრაინაში მშვიდობის დასამყარებლად ინტენსიურად იმუშაოს
![]() კულება - მივიღეთ მკაფიო სიგნალი, რომ ჩინეთი რუსეთ-უკრაინის ომის მოსაგვარებლად მუშაობს
ვიდეო/LIVE საქართველოს დამოუკიდებლობის დღე - პირდაპირი
|