ლიეტუვის გენერალურმა პროკურატურამ თბილისში 12 წლის ანი იანუშაიტიტის გარდაცვალების საქმეზე გამოძიება აიღო და უკვე დაუკავშირდა ქართულ მხარეს, ამის შესახებ ლიეტუვას გამოცემა Delfi.lt იუწყება.

ანი იანუშაიტიტს ლიეტუვას და საქართველოს ორმაგი მოქალაქეობა ჰქონდა, ოჯახი ბოლო წლებში თბილისში ცხოვრობდა.

ლიეტუვას მედია პორტალის ინფორმაციით, ქვეყნის გენერალური პროკურორი ნიდა გრუნსკიენე საქართველოს გენერალურ პროკურორს ირაკლი შოთაძეს დაუკავშირდა. ასევე აღნიშნულია, რომ ლიტვის ელჩი საქართველოში ანდრიუს კალინდრა ბავშვის ოჯახის თხოვნით დაუკავშირდა ლიეტუვას პროკურატურას და სთხოვა საქმეში ლიეტუველი ექსპერტების ჩართვა. შედეგად მიღწეულ იქნა შეთანხმება სასამართლო-სამედიცინო ექსპერტისა და გამომძიებლის თბილისში ჩასვლის შესახებ.

„ისინი გაეცნენ სისხლის სამართლის საქმის მასალებს, არ იყო აშკარა ხარვეზები არც გამოძიების გაჭიანურებაში და არც საგამოძიებო პროცესში“, წერს Delfi.lt ლიტვის გენერალური პროკურატურიდან გამოთხოვილ ინფორმაციაზე დაყრდნობით.

ანას ოჯახი და მათი ადვოკატები ამ ეტაპზე ითხოვენ ლიეტუვას ექსპერტების ჩართვას ყოვლისმომცველი ექსპერტიზის ჩატარების პროცესში, რადგან საქართველოში ექსპერტიზა არასაკმარისად მიაჩნიათ.

გოგონას მშობლები დარწმუნებულები არიან, რომ ის მოკლეს და აცხადებენ, რომ არ გაჩერდებიან, სანამ სიმართლეს არ გაიგებენ და დამნაშავეები არ დაისჯებიან. სამედიცინო ექსპერტიზის დასკვნის მიხედვით, გოგონას სხეულზე სიცოცხლის განმავლობაში მიღებული სხვადასხვა სახის და სიმძიმის 39 დაზიანება - სისხლჩაქცევები და ჭრილობები სახეზე, ხელებზე, ფეხებსა და ზურგზე აღენიშნება. მშობლები ამატებენ, რომ ტანსაცმელი დახეული ჰქონდა, ერთი საყურე კი ყურიდან ამოგლეჯილი.

საქართველოს შინაგან საქმეთა სამინისტრომ გამოძიება დამამძიმებელ გარემოებებში მკვლელობის მუხლით დაიწყო და ამ მუხლით გამოძიება ამ დრომდე გრძელდება. მაგრამ ამავდროულად, არ წყდება ჭორები, რომ საქმის გადაკვალიფიცირება შესაძლებელია, ვინაიდან არსებობს ვერსია, რომ ბავშვი ჭამის შემდეგ ღებინების დროს გარდაიცვალა ასფიქსიით.

ანას დედა ამ ვერსიას აბსურდს უწოდებს და კითხვებზე პასუხების მოპოვებას თავად ცდილობს. ამ კვირაში ქალმა თავად მოახერხა მოწმის პოვნა, რომელსაც პოლიცია თვენახევარი ეძებდა. მან სოციალურ ქსელში გამოაქვეყნა ორი მამაკაცის ფოტოები, რომლებიც შემთხვევის ადგილის მახლობლად სათვალთვალო კამერებმა დააფიქსირეს და რაღაცას ხედავდნენ - უპასუხა ერთ-ერთმა და თავად მისწერა გოგონას დედას.

ამასთან, ანას მამა ამბობს, რომ მისი ქალიშვილის ჩხრეკისას ტერიტორიაზე საეჭვო პირი ნახეს. ძალიან გამხდარი მამაკაცი ჩქარი ნაბიჯით ტოვებდა და გაიქცა, როცა ცდილობდნენ ეკითხათ, გოგონა ხომ არ დაინახა. „ახლა მგონი მკვლელი იყო, რადგან დაახლოებით 23:45-ზე შევხვდით, სწორედ იმ ბუჩქების მხრიდან მიდიოდა, ნერვიულობდა, ეჩქარებოდა. როგორ გარბის ის შორიდან ჩანს სათვალთვალო კამერებზე“, - განუცხადა ანის მამამ ლიტველ ჟურნალისტებს.

ოჯახის ადვოკატი ამბობს, რომ გამოძიების მიმდინარეობისას 30 კითხვის სია პროკურატურას გადაეგზავნა, ისინი ექსპერტიზის ეროვნულ ბიუროს გადაეგზავნა. მთავარი, რასაც ახლა ოჯახი ეძებს, არის დასკვნა იმის შესახებ, თუ რა შეიძლება გამოეწვია გოგონას სხეულზე დაზიანებებს და ღებინების მიზეზს, რომელიც მის სიკვდილამდე რამდენიმე ხნით ადრე დაიწყო.

გოგონა 17 მარტის ღამეს, დიდი დიღმის საცხოვრებელ უბანში, რამდენიმესაათიანი ძებნის შემდეგ, სახლიდან 200 მეტრში, კორპუსებს შორის მიტოვებულ უდაბნოში ბუჩქებში იპოვეს. იმ მომენტში, როცა სასწრაფო მოვიდა, ის ჯერ კიდევ სუნთქავდა, მაგრამ ბავშვის გადარჩენა ვერ მოხერხდა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს