|
2023-05-19 11:35:38, 1005 ნახვა
საზოგადოება
ლევან უჯმაჯურიძემ მონაწილეობა კრიოკონსერვაციის სამუშაო ჯგუფის პირველ შეხვედრაში მიიღო
სოფლის მეურნეობის სამეცნიერო-კვლევითი ცენტრის დირექტორმა ლევან უჯმაჯურიძემ, ჩეხეთის რესპუბლიკის ქ. პრაღაში გამართულ მცენარეთა გენეტიკური რესურსების ევროპის კოოპერატიული პროგრამის ( ESPGR) კრიოკონსერვაციის სამუშაო ჯგუფის პირველ შეხვედრაში მიიღო მონაწილეობა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, ლევან უჯმაჯურიძემ შეხვედრაზე გამოსვლისას სამეცნიერო-კვლევითი ცენტრის საქმიანობის მიმოხილვის პარალელურად ისაუბრა ქვეყანაში მცენარეთა გენეტიკური რესურსების დაცვის არსებულ მდგომარეობაზე, სახელმწიფოს მიერ ამ მიმართულებით გატარებულ ღონისძიებებზე, საკანონმდებლო ბაზაზე, ეკოსისტემებში, ცენტრსა და სხვა უწყებებში არსებული ცოცხალი კოლექციების, In vitro კონსერვაციის, ასევე თესლის გენეტიკური ბანკების მდგომარეობაზე, სამომავლო საერთაშორისო თანამშრომლობაზე და სხვა. „კრიოკონსერვაცია, როგორც მცენარეთა გენეტიკური მასალის შენახვის ფართოდ მიღებული თანამედროვე მეთოდია, რომელიც საშუალებას იძლევა ხანგრძლივი პერიოდით, უსაფრთხოდ შევინარჩუნოთ საქართველოს იშვიათი რელიქტური და ენდემური მცენარეთა ბიომრავალფეროვნება, ძალზედ მნიშვნელოვანია საქართველოსთვის და იგეგმება ამ მიმართულებით სოფლის მეურნეობის სამეცნიერო-კვლევით ცენტრში შესაბამისი ინფრასტრუქტურის მოწყობა“ - აღნიშნა სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ. „ლევან უჯმაჯურიძემ შეხვედრა ჩეხეთის მცენარეთა გენეტიკური რესურსების სამეცნიერო ინსტიტუტის დირექტორთან მიკულას მადარასთან და სამეცნიერო დეპარტამენტის ხელმძღვანელებთან გამართა, სადაც ყურადღება მცენარეთა გენეტიკური რესურსების დაცვის თანამედროვე მიმართულებებზე, ახალგაზრდა სპეციალისტთა სწავლებაზე, ერთობლივი საერთაშორისო პროექტების, კონფერენციების განხორციელებაზე და ურთიერთთანამშრომლობის სხვადასხვა მიმართულებებზე გამახვილდა. სამუშაო ვიზიტის ფარგლებში ცენტრის დირექტორს შესაძლებლობა ჰქონდა დაეთვალიერებინა სხვადასხვა ექსპერიმენტული საცდელი ბაზები მიკროვინიფიკაციის საწარმო, სამეცნიერო ლაბორატორიები თესლის გენეტიკური ბანკი და სხვა“,- აღნიშნულია ინფორმაციაში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



