|
2023-05-18 16:20:57, 750 ნახვა
საზოგადოება
ოთარ შამუგია კორეის რესპუბლიკის პრეზიდენტის სპეციალურ წარმომადგენელს შეხვდა
გარემოს დაცვისა და სოფლის მეურნეობის მინისტრმა ოთარ შამუგიამ შეხვედრა გამართა კორეის რესპუბლიკის დელეგაციასთან, რომელსაც პრეზიდენტის სპეციალური წარმომადგენელი იუნგ სუნგმინი ხელმძღვანელობდა. აღნიშნულის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს. უწყების ცნობით, შეხვედრაზე მხარეებმა საქართველოს საინვესტიციო შესაძლებლობები, ღვინის ექსპორტისა და ტურიზმის განვითარების მიმართულებით თანამშრომლობის გაღრმავების პერსპექტივები განიხილეს. „შეხვედრაზე ოთარ შამუგიამ კორეის რესპუბლიკასთან დიპლომატიური და პარტნიორული ურთიერთობების მნიშვნელობაზე გაამახვილა ყურადღება და ქვეყანაში ინვესტიციების განხორციელებისა და ბიზნესის წარმოებისთვის ხელსაყრელი გარემოს შესახებ ისაუბრა. მინისტრმა ხაზგასმით აღნიშნა, მხარეებს შორის, დაცული ტერიტორიების მიმართულებით არსებული მჭიდრო პარტნიორული ურთიერთობის მნიშვნელობა და აღნიშნული მიმართულებით, თანამშრომლობის გაგრძელების სურვილი გამოთქვა. როგორც შეხვედრაზე კორეის რესპუბლიკის პრეზიდენტის სპეციალურმა წარმომადგენელმა განაცხადა, კორეის რესპუბლიკისთვის საქართველოში არსებული საინვესტიციო გარემო საინტერესო და მიმზიდველია. იუნგ სუნგმინმა იმედი გამოთქვა, რომ აღნიშნული შეხვედრა ურთიერთობების გაღრმავების წინაპირობა გახდება და ეს თანამშრომლობა, ორივე ქვეყნისთვის, ეფექტიანი და შედეგების მომტანი იქნება. გარემოს დაცვისა და სოფლის მეურნეობის სამინისტროში გამართულ შეხვედრას მინისტრის მოადგილე იური ნოზაძე და სამინისტროს სისტემაში შემავალი შესაბამისი სამსახურების წარმომადგენლები ესწრებოდნენ“,- აღნიშნულია ინფორმაციაში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



