09:40 - 17 Nov, 2026
ჩვენ შესახებ რეკლამა/ხელმოწერა
2023-05-18 13:54:43, 788 ნახვა

საზოგადოება
დავით იოსებაშვილმა აშშ-ში ვიზიტის ფარგლებში ეროვნული პარკების სამსახურის წარმომადგენლებთან სამუშაო შეხვედრები გაიმართა

დაცული ტერიტორიების სააგენტოს თავმჯდომარე დავით იოსებაშვილი, მოადგილესთან თამარ ხახიშვილთან ერთად, ოფიციალური ვიზიტით ამერიკის შეერთებულ შტატებში იმყოფებოდა, სადაც აშშ-ის ეროვნული პარკების სამსახურის წარმომადგენლებთან სამუშაო შეხვედრები გაიმართა. აღნიშნულის შესახებ ინფორმაციას დაცული ტერიტორიების სააგენტო ავრცელებს.

მათი ცნობით, ვიზიტი მიზნად ისახავდა ორი ქვეყნის საუკეთესო გამოცდილების, ცოდნისა და ინფორმაციის გაზიარებას, ერთობლივი პროექტებისა და აქტივობების განხორციელებას, რაც მიმართული იქნება დაცული ტერიტორიების მართვის გაუმჯობესებისკენ.

„ვიზიტის ფარგლებში გამართულ შეხვედრებზე, დელეგაცია გაეცნო ამერიკის ეროვნული პარკების ბუნებრივი და კულტურული ძეგლების მართვის სპეციფიკას, გამოცდილებას, მათ შორის ვიზიტორთა მომსახურების, ეკოტურისტული საქმიანობების, ხანძრებთან ბრძოლის თუ კანონაღსრულების მიმართულებით. 

დელეგაცია გრანდ კანიონის ეროვნულ პარკს ეწვია, რომელიც მსოფლიოს ულამაზეს კანიონად ითვლება და ერთ-ერთ უმთავრეს ტურისტულ ღირსშესანიშნაობას წარმოადგენს.

აღსანიშნავია, რომ ამერიკის შეერთებულ შატატებში ვიზიტის განმავლობაში, ხელი მოეწერა თანამშრომლობის დეკლარაციას, რომელიც მომდევნო 10 წლის განმავლობაში ორ ქვეყანას შორის, ერთობლივი პროექტებისა და აქტივობების განხორციელებით მჭიდრო თანამშრომლობას ითვალისწინებს, მათ შორის, გარემოს დაცვის, კულტურული და ბუნებრივი მემკვიდრეობების დაცვის, ტურიზმისა და ეკოტურიზმის განვითარების კუთხით. ამერიკულ და ქართულ მხარეებს შორის შეთახმების გაფორმება ამერიკის შეერთებული შტატების შინაგანი დეპარტამენტის საერთაშორისო ტექნიკური დახმარების პროგრამის (USDOI-ITAP) ინიცირებით მოხდა“,-აღნიშნულია ინფორმაციაში.





ავტორი: NS (სტატია დაფინანსებულია),


სოციალური ქსელები
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics