2023-05-16 18:08:56, 1315 ნახვა
მსოფლიო
მოლდოვა და აშშ „ღია ცის“ შეთანხმებას ხელს 18 მაისს მოაწერენ
მოლდოვა და აშშ ხელს მოაწერენ „ღია ცის“ შეთანხმებას, რომელიც შექმნის პირობებს ორ ქვეყანას შორის პირდაპირი ფრენების დასაწყებად. ამის შესახებ ინფორმაციას კიშინიოვში აშშ-ის საელჩოდან ავრცელებენ.
შეთანხმებას ხელს 18 მაისს აშშ-ის სახელმწიფო მდივნის მოადგილე მენეჯმენტისა და რესურსების საკითხებში რიჩარდ ვერმა და მოლდოვის ინფრასტრუქტურის მინისტრი ლილია დაბიჟა მოაწერენ.
„ღია ცის შესახებ შეთანხმება სიმბოლოა ჩვენს ქვეყნებს შორის საჰაერო ტრანსპორტის ლიბერალიზაციისკენ გადადგმულ პირველი ნაბიჯის. ჩვენ ერთად ვაძლიერებთ ორმხრივ სავაჭრო და ეკონომიკურ კავშირებს“, - ნათქვამია აშშ-ს საელჩოში.
ავტორი: ექსპრესნიუსი,
epn.ge (@expressnews.ge)
