მხატვრული კითხვის კონკურსში გამარჯვებული მოსწავლეები ქედი მუნიციპალიტეტის მერმა სიგელებითა და სიმბოლური საჩუქრებით დააჯილდოვა

2023-05-16 17:04:47, 655 ნახვა

საზოგადოება

მხატვრული კითხვის კონკურსში გამარჯვებული მოსწავლეები მუნიციპალიტეტის მერმა როლანდ ბერიძემ სიგელებითა და სიმბოლური საჩუქრებით დააჯილდოვა. ამის შესახებ ინფორმაციას ქედის მუნიციპალიტეტის მერია ავრცელებს.

კონკურსის დასკვნითი ეტაპი 25 აპრილს ქედის კულტურის ცენტრში გაიმართა, რომელშიც ქედის საჯარო სკოლების 50 მოსწავლე ღებულობდა მონაწილეობას.

კონკურსის მიზანია მოსწავლეებს გამოუმუშავოს ლიტერატურის, მხატვრული კითხვის უნარ-ჩვევების ასევე, ჟესტების, მიმიკის, ინტონაციის , ორთოგრაფიული და პუნქტუციური ნორმების სათანადოდ გამოყენების უნარი.

კონკურსში მონაწილე მოსწავლეები შეაფასა და 11 გამარჯვებული გამოავლინა კომპეტენტური ჟიურის წევრებმა.

დაჯილდოების ცერემონიაში მონაწილეობდა მერის პირველი მოადგილე იმედა ვასაძე, განათლების, კულტურის, ტურიზმის, სპორტის, ძეგლთა დაცვის და ახალგაზრდულ საკითხთა სამსახურის უფროსი ეკარტერინე ქაჯაია, ქედის რესურსცენტრის დირექტორი დურმიშხან შავიშვილი, კულტურის ცენტრის დირექტორი ჯამბულ სურმანიძე და რეჟისორი ლია მახარაძე.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),