თორნიკე რიჟვაძემ 100 წლის იუბილე პედაგოგს და ომის ვეტერან ქეთევან ლორიას მიულოცა

2023-05-15 22:05:34, 845 ნახვა

საზოგადოება

აჭარის მთავრობის თავმჯდომარემ თორნიკე რიჟვაძემ, აჭარის ჯანმრთელობის და სოციალური დაცვის მინისტრთან ნინო ნიჟარაძესთან ერთად, ქეთევან ლორიას 100 წლის იუბილე მიულოცა. ამის შესახებ ინფორმაციას აჭარის მთავრობა ავრცელებს.

ქეთევან ლორია ომის ვეტერანია და პედაგოგიური საქმიანობის 56 წლიანი გამოცდილება აქვს.

აჭარის ჯანმრთელობის და სოციალური დაცვის სამინისტროს 100 წელს გადაცილებული მოქალაქეების ერთჯერადი დახმარების პროგრამის ფარგლებში, ქეთევან ლორიას 1000 ლარი გადაეცა. სამინისტროს აღნიშნული პროგრამით მიმდინარე 2023 წელს, აჭარაში მცხოვრები 100 წელს გადაცილებული 50 მოქალაქე ისარგებლებს.

ამ დროისთვის, აჭარის რეგიონში ყველაზე უხუცესი ქალბატონი, ქობულეთის მუნიციპალიტეტში მცხოვრები, 108 წლის ფატყუმე დიასამიძეა.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),