საფრანგეთი უკრაინას უახლოეს კვირებში ათობით ჯავშანმანქანასა და მსუბუქ ტანკს, მათ შორის AMX-10RC-ს გადასცემს.

ამის შესახებ ნათქვამია უკრაინისა და საფრანგეთის ერთობლივ დეკლარაციაში, რომელიც პრეზიდენტების, ვოლოდიმირ ზელენსკისა და ემანუელ მაკრონის შეხვედრის შემდეგ გამოქვეყნდა.

„საფრანგეთი ომის დაწყებიდან მოყოლებული სამხედრო მხარდაჭერას უცხადებს უკრაინას, რათა ქვეყანამ შეძლოს თავის დაცვა. მხარდაჭერა გაგრძელდება. ახალი სამხედრო პაკეტები მზადდება.

უახლოეს კვირებში საფრანგეთი მოამზადებს და აღჭურავს რამდენიმე ბატალიონს ათეულობით ჯავშანტექნიკითა და მსუბუქი ტანკით, მათ შორის AMX-10RC-ს",- ნათქვამია დეკლარაციაში.

შეგახსენებთ, უკრაინის პრეზიდენტი ვოლოდიმირ ზელენსკი საფრანგეთს გუშინ, 14 მაისს გვიან საღამოს ეწვია და ფრანგ კოლეგას, ემანუელ მაკრონს ელისეის სასახლეში შეხვდა.

ის საფრანგეთამდე გერმანიაში, უფრო ადრე კი, იტალიაში იმყოფებოდა. ზელენსკი ბერლინს 14 მაისს ეწვია და ფედერალურ კანცლერ ოლაფ შოლცს, ასევე პრეზიდენტ ფრანკ-ვალტერ შტაინმაიერს შეხვდა.

იტალიასა და ვატიკანში უკრაინის პრეზიდენტი 13 მაისს იმყოფებოდა. ვიზიტის ფარგლებში ზელენსკი ქვეყნის პრემიერ-მინისტრს, ჯორჯია მელონისა და რომის პაპს, ფრანცისკეს შეხვდა.

ავტორი: ექსპრესნიუსი,

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?