2023-05-13 12:59:29, 855 ნახვა
მსოფლიო
ვოლოდიმირ ზელენსკი ოფიციალური ვიზიტით იტალიას ეწვია
უკრაინის პრეზიდენტი ვოლოდიმირ ზელენსკი ოფიციალური ვიზიტით იტალიას ეწვია, სადაც იტალიის პრეზიდენტს და პრემიერმინისტრს შეხვდება. აღნიშნულის შესახებ ვოლოდიმირ ზელენსკი Telegram-ზე წერს.
ზელენსკის თქმით, ვიზიტის ფარგლებში რომის პაპ ფრანცისკესაც შეხვდება.
"რომი. შეხვედრები იქნება იტალიის პრეზიდენტთან სერჯო მატარელასთან, პრემიერმინისტრ ჯორჯ მელონთან და რომის პაპ ფრანცისკესთან. მნიშვნელოვანი ვიზიტია უკრაინის გამარჯვებისთვის", - წერს ზელენსკი.
აღსანიშნავია, რომ უკრაინაში რუსეთის შეჭრის შემდეგ, ეს უკრაინის პრეზიდენტის პირველი ოფიციალური ვიზიტია რომში
ცნობისთვის, მანამდე, 4 მაისს უკრაინის პრეზიდენტი ვოლოდიმირ ზელენსკი ნიდერლანდებში იმყოფებოდა.
ავტორი: ექსპრესნიუსი,
epn.ge (@expressnews.ge)
