მოსკოვის უკრაინაში დამარცხებით პეკინმა, შესაძლოა, გეოპოლიტიკური უპირატესობა მოიპოვოს,- აღნიშნულის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჯოზეფ ბორელმა განაცხადა.

ბორელის წერილში, რომელის შინაარსაც Financial Times-ი ავრცელებს, აღნიშნულია, რომ ჩინეთის ამბიცია აშკარად არის ახალი მსოფლიო წესრიგის აშენება.

"ჩინეთის საკითხი გაცილებით კომპლექსურია ვიდრე რუსეთის საკითხი. ჩინეთს აქვს ცხადი ამბიცია ააგოს ახალი მსოფლიო წესრიგი, რომლის ცენტრშიც თავად იქნება… უკრაინაში რუსეთის დამარცხება ჩინეთს ამ გზიდან არ გადაახვევინებს. ჩინეთი შეძლებს ამით გეოპოლიტიკური უპირატესობის მოპოვებას", - წერს ბორელი.

ბორელის თქმით, ევროკავშირი არ უნდა ეცადოს მსოფლიო პოლიტიკურ ასპარეზზე ახლადგამოსული ქვეყნების მზარდი ძალაუფლების დაბლოკვას. 

მისივე თქმით, ბრიუსელმა უნდა გაითვალისწინოს ჩინეთის გავლენა დაბალშემოსავლიან ქვეყნებთან ურთიერთობისას და არ უნდა მოელოდოს ამ სახელმწიფოებისგან "ერთი ან მეორე მხარის არჩევას".

"ევროკავშირმა უნდა გააცნობიეროს, რომ ბევრი ქვეყანა ჩინეთის გეოპოლიტიკურ გავლენას დასავლეთისა და შესაბამისად, ევროპის საპირწონედ თვლის. ისინი შეეცდებიან მხარეების არჩევის გარეშე მანევრირებისთვის სივრცის დატოვებას",- ვკითხულობთ წერილში.

ავტორი: ექსპრესნიუსი,

სოციალური ქსელები

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ

2027 წლის ბიუჯეტი მილიარდნახევრით აღემატება მიმდინარეს: ჯანდაცვისა და სოციალური ხარჯები გაზრდილია 830 მილიონი ლარით, კიდევ რა ხარჯები იზრდება?