სამეგრელოს ერთ-ერთ სოფელში არასრულწლოვანზე სექსუალური ძალადობის ბრალდებით დაკავებულ მამასა და მეზობელს ზუგდიდის რაიონულმა სასამართლომ აღკვეთის ღონისძიების სახით პატიმრობა შეუფარდა.

როგორც რაიონულ სასამართლოში განაცხადეს, დაზარალებული გოგონას მამის მიმართ დანიშნულია სასამართლო ფსიქიატრიული ექსპერტიზა, მისი ფსიქიკური ჯანმრთელობის შემოწმების მიზნით.

აღსანიშნავია, რომ აღკვეთის ღონისძიებას არ ეთანხმებიან დაკავებულების ადვოკატები და აცხადებენ, რომ მათი დაცვის ქვეშ მყოფები ბრალს არ აღიარებენ.

„ჩვენი პოზიცია იყო, რომ არცერთი აღკვეთის ღონისძიება არ შეფარდებოდა, ვინაიდან საქმეში არ არის მტკიცებულებები, რომელიც დაადასტურებდა ბრალდებულის დანაშაულს. თავს არ გრძნობს დამნაშავედ“,- განაცხადა ერთ-ერთი დაკავებული მამაკაცის ადვოკატმა.

ცნობისთვის, შინაგან საქმეთა სამინისტროს სამეგრელო ზემო-სვანეთის პოლიციის დეპარტამენტის წალენჯიხის რაიონული სამმართველოს თანამშრომლებმა არასრულწლოვნის მიმართ ჩადენილი სქესობრივი დანაშაულის ბრალდებით ორი პირი 9 მაისს დააკავეს.

გამოძიება წინასწარი შეცნობით არასრულწლოვნის გაუპატიურების და წინასწარი შეცნობით ოჯახის არასრულწლოვანი წევრის გაუპატიურების ფაქტებზე, საქართველოს სისხლის სამართლის კოდექსის 137-ე მუხლისმე-4 ნაწილის ,,გ“ ქვეპუნქტით და 11 პრიმა 137-ე მუხლის მე-4 ნაწილის ,,გ“ ქვეპუნქტით მიმდინარეობს და 15-დან 20 წლამდე ან უვადო თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს