|
2023-05-11 15:32:09, 869 ნახვა
საზოგადოება
თბილისის მერიამ გერმანიის რეკონსტრუქციის საკრედიტო ბანკის დელეგაციას უმასპინძლა
დედაქალაქის მერის მოადგილე ანდრია ბასილაიამ უმასპინძლა გერმანიის ფედერაციული რესპუბლიკის ელჩს ერნსტ პეტერ ფიშერს და გერმანიის რეკონსტრუქციის საკრედიტო ბანკის (KFW) დელეგაციას, ბანკის მმართველი საბჭოს წევრის, კრისტიანე ლაიბახის ხელმძღვანელობით. აღნიშნულის შესახებ ინფორმაციას თბილისის მერია ავრცელებს. უწყების ცნობით, თბილისში ვიზიტის ფარგლებში სტუმრები გაეცნენ სატრანსპორტო ნაკადების ავტომატიზებული მართვის ცენტრს და საგზაო ინფრასტრუქტურის განვითარების მიმართულებით განხორციელებულ პროექტებს. მერის მოადგილემ მადლობა გადაუხადა გერმანულ მხარეს თბილისის მდგრადი სატრანსპორტო პოლიტიკის მხარდაჭერისთვის. კერძოდ, მიმდინარე რეფორმის მნიშვნელოვანი მიმართულების - ჭკვიანი სატრანსპორტო სისტემების დანერგვის პროცესში დახმარებისთვის. „გერმანიის რეკონსტრუქციის ბანკთან (KFW) თანამშრომლობით დაწყებული პროექტის - „მდგრადი ურბანული მობილობა“ ფარგლებში გამოყოფილი 47 მილიონი ევრო მოხმარდება საგზაო მოძრაობის ორგანიზებისა და ჰაერის ხარისხის გაუმჯობესების მიზნით შესაბამისი ინფრასტრუქტურისა და პროგრამული უზრუნველყოფის სისტემის განვითარებას. აღნიშნული სისტემა მომდევნო 5 წლის განმავლობაში რამდენიმე ეტაპად დაინერგება“,- განუცხადა ანდრია ბასილაიამ გერმანელ ჟურნალისტებს, რომლებიც დელეგაციას ახლდნენ. მისივე თქმით, გერმანული მხარის ვიზიტი ძალიან მნიშვნელოვანია თბილისის მუნიციპალიტეტისთვის, ვინაიდან გერმანიის ფედერაციული რესპუბლიკა აქტიურად უწყობს ხელს თბილისის მდგრად ურბანულ განვითარებას, ხოლო გერმანიის რეკონსტრუქციის საკრედიტო ბანკს (KFW) თბილისის მერიასთან მრავალწლიანი თანამშრომლობა აკავშირებს. პროექტი მოიცავს რამდენიმე ძირითადი მიმართულებების დახვეწას და განვითარებას. მათ შორისაა: შუქნიშნების კონტროლის სისტემა; საავტობუსო პრიორიტეტის დანერგვა; სატრანსპორტო ნაკადების ინტეგრირებული მართვა; პარკინგის მართვა; საგანგებო შემთხვევების დროს გადაადგილების პრიორიტეტის დანერგვა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



