2023-05-11 15:14:38, 1124 ნახვა

---

„შემდეგი თქვენ იქნებით, ქართველებო“ - რუსმა სამხედროებმა საქართველოსა და EU-ის დროშები შეურაცხყვეს [ვიდეო]

"ტელეგრამ-არხებზე" ვრცელდება ვიდეოკადრები, სადაც ჩანს, რომ სამხედროები, რომლებიც თავს რუსული დაჯგუფება "ვაგნერის" წევრებად მოიხსენიებენ, საქართველოსა და ევროკავშირის დროშებს შეურაცხყოფას აყენებენ.

ვიდეოკადრებში, რომელიც სავარაუდოდ, ბახმუტშია გადაღებული, სამხედროები ამტკიცებენ, რომ ფრონტზე ქართველების პოზიციები გაანადგურეს.

"გაფრთხილება ყველა ნაბიჭვარს - ჩვენ ვნახეთ თბილისის ცენტრში  ქართველმა ნაცისტებმა როგორ დაწვეს რუსული დროშა. ჩვენ ასევე ვნახეთ, სხვადასხვა ქართველი ეშმაკები როგორ ბილწავენ რუსების სახლებს საქართველოში. ისე მოხდა, რომ მხოლოდ "ვაგნერელები" დავრჩით, ვინც ჩვენს სამშობლოს საგარეო საფრთხისგან იცავს - მაგალითად, დღეს დედა მოვუ**ნით ქართველების პოზიციებს და იქ მათი წყეული დროშები ვნახეთ. ნახეთ, რას ვუზამთ ახლა იმ ქვეყნების დროშებს, რომლებიც ჩვენს დროშას დასცინიან. თავად ნახეთ და იცოდეთ, შემდეგი თქვენ იქნებით, წყეულო ქართველებო",- აცხადებენ რუსი სამხედროები. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი