2023-05-10 18:09:22, 776 ნახვა
საზოგადოება
ჩეჩენი ჟურნალისტი, რომელიც რუსეთში პატიმრობაში იმყოფებოდა საქართველოში არ შემოუშვეს
ჩეჩენი ჟურნალისტი, ჟალავდი გერიევი, რომელიც რუსეთში პატიმრობაში სამი წლის განმავლობაში იმყოფებოდა და აწამეს, საქართველოში არ შემოუშვეს. ამის შესახებ ინფორმაციას OC Media ავრცელებს.
გერიევის თქმით, ის ბუდაპეშტიდან თბილისში შაბათს, 6 მაისს ჩამოვიდა და როდესაც მესაზღვრემ მის პასპორტში დაინახა, რომ ის ჩეჩნეთში იყო დაბადებული, საბუთები დამატებით შესამოწმებლად ჩამოართვეს.
"ყველაფერი ისე იყო, როგორც ჩვეულებრივ რუსულ აეროპორტში", - განუცხადა გერიევმა OC Media-ს.
მან საქართველოს ხელისუფლება ჩრდილოეთ კავკასიელი ხალხის მიმართ „არაპროფესიონალურ“ და დისკრიმინაციულ ქცევაში დაადანაშაულა.
ავტორი: ექსპრესნიუსი,
epn.ge (@expressnews.ge)
