|
2023-05-10 10:28:23, 831 ნახვა
საზოგადოება
ვანის რესურსცენტრი - სკოლის დირექტორმა, რომლის მეუღლეს გარყვნილი ქმედების შესაძლო ჩადენაში ედება ბრალი, თანამდებობა დატოვა
არასრულწლოვნების მიმართ განხორციელებულ შესაძლო გარყვნილ ქმედებასთან დაკავშირებით, ვანის საგანმანათლებლო რესურსცენტრი განცხადებას ავრცელებს. მათი ცნობით, ვანის მუნიციპალიტეტის სოფელ შუამთის საჯარო სკოლის დირექტორმა, რომლის მეუღლეც არასრულწლოვანის მიმართ გარყვნილი ქმედების შესაძლო ჩადენის საქმეში ფიგურირებს, დაკავებული თანამდებობა 5 მაისს დატოვა. „მაღალი საზოგადოებრივი ინტერესიდან გამომდინარე, გაცნობებთ, რომ ვანის მუნიციპალიტეტის სოფელ შუამთის საჯარო სკოლის დირექტორმა, რომლის მეუღლეც ფიგურირებს არასრულწლოვანის მიმართ გარყვნილი ქმედების შესაძლო ჩადენის საქმეში, 5 მაისს დატოვა დაკავებული თანამდებობა. ჩვენთვის კატეგორიულად მიუღებელია და ვგმობთ ნებისმიერი ტიპის მსგავს ქმედებას, განსაკუთრებით, არასრულწლოვნების მიმართ. მოგახსენებთ, რომ სკოლა და რესურსცენტრი აქტიურად ვთანამშრომლობთ გამოძიებასთან. შესაბამისი უწყებების მიერ საქმეზე მიმდინარეობს გამოძიება, სსკ-141-ე მუხლის პირველი ნაწილით“,- აღნიშნულია განცხადებაში. შეგახსენებთ, რომ სოციალურ ქსელში გავრცელებული ინფორმაციით, ვანის მუნიციპალიტეტის სოფელ შუამთის საჯარო სკოლის სამარშრუტო ტაქსის მძღოლი მოსწავლეებს სიტყვიერად და ფიზიკურად ავიწროებდა. ვიდეომასალა მოსწავლეებმა გაავრცელეს. ამასთან, 7 მაისს, სახალხო დამცველის აპარატმა სოციალურ მედიაში გავრცელებულ არასრულწლოვანის მიმართ განხორციელებულ, სავარაუდო სექსუალური ხასიათის ქმედების ამსახველი ვიდეოკადრებთან დაკავშირებით საგამოძიებო ორგანოებს დროული და ეფექტიანი რეაგირებისკენ მიუწოდა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



