ღაზას სექტორში ისრაელის სარაკეტო დარტყმის შედეგად, სულ მცირე, 12 ადამიანი დაიღუპა, 20 კი დაშავდა. აღნიშნულის შესახებ ინფორმაციას Reuters-ი პალესტინის ადმინისტრაციაზე დაყრდნობით ავრცელებს.

Reuters-ის ცნობით, დაღუპულთა შორის მოძრაობა „ისლამური ჯიჰადის“ 3 მეთაური და სულ მცირე, 9 მოქალაქე, მათ შორის 4 ბავშვია.

ამასთან, ისრაელის თავდაცვის სამინისტროს ცნობით, სამიზნე ღაზაში რიგით მეორე, ყველაზე ძლიერი შეიარაღებული დაჯგუფება „ისლამური ჯიჰადის“ 3 მეთაური იყო.

„ნებისმიერი ტერორისტი, ვინც ისრაელის მოქალაქეებს ზიანს მიაყენებს, ინანებს“,- განაცხადა ისრაელის თავდაცვის მინისტრმა, იოავ გალანტმა.

Reuters-ის ცნობითვე, ღაზას სექტორში „ისლამური ჯიჰადის“ წინააღმდეგ ჩატარებულ ოპერაციაში 40 სამხედრო თვითმფრინავი მონაწილეობდა.

გარდა ამისა, Reuters-ი წერს, რომ „ისლამური ჯიჰადის“ შეიარაღებულმა ფრთამ 3 მეთაურის დაღუპვა დაადასტურა და აღნიშნა, რომ  პოზიციებს არ დატოვებენ და წინააღმდეგობას გააგრძელებენ.

ავტორი: ექსპრესნიუსი,

სოციალური ქსელები

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა

ისრაელის თავდაცვის მინისტრმა Flydubai-სთან დაკავშირებულ ინციდენტს „ჯიჰადისტური ტერორისტული თავდასხმის მცდელობა“ უწოდა

საქართველოს ბანკის და კომაროვის STEM სკოლაში მიღება 1 ოქტომბერს სრულდება - დარეგისტრირდი და აღმოაჩინე განათლების ახალი შესაძლებლობები

გუნბა: საქართველოში ჯერ კიდევ არსებობენ ძალები, რომლებსაც აფხაზეთის ძალის გამოყენებით დაბრუნება სურთ