თბილისში, გოგებაშვილის ქუჩაზე განზრახ მკვლელობისა და ცეცხლსასროლი იარაღის მართლსაწინააღმდეგოდ ტარების ფაქტზე შინაგან საქმეთა სამინისტროს დაცვის პოლიციის დეპარტამენტის პირადი დაცვის სამმართველოს უფროსი ინსპექტორი კ.კ. დააკავეს. ამის შესახებ სპეციალურ საგამოძიებო სამსახურში ცოტა ხნის წინ გამართულ ბრიფინგზე განაცხადეს.

როგორც ბრიფინგზე სპეციალური საგამოძიებო სამსახურის, საგამოძიებო დეპარტამენტის სამმართველოს უფროსმა, ბაჩო კვარაცხელიამ აღნიშნა, გამოკითხნენ ინცინდენტის სიახლოვეს მყოფი მოწმეები, კერძო ობიექტებიდან გამოთხოვილ იქნა ვიდეოჩანაწერები, ამოღებულია დანაშაულის იარაღი და საქმეზე დანიშნულია სამედიცინო ექსპერტიზა.

"საქმეზე ამჟამად მოპოვებული მტკიცებულებებით დგინდება, რომ 2023 წლის 4 მაისს, საღამოს საათებში თბილისში, გოგებაშვილის ქუჩაზე მდებარე "ლა ვერასთან" შსს-ს დაცვის პოლიციის დეპარტამენტის დაცვის სამმართველოს უფროსი ინსპექტორი კ.კ. დასაცავი პირის ნათესავ გ.მ-სთან ერთად იმყოფებოდა და მობილურ ტელეფონზე საუბრობდა. მოულოდნელად, გ.მ-ს შეიარაღებული ს.გ. მიუახლოვდა, რომელმაც ცეცხლსასროლი იარაღიდან მის მიმართ რამდენიმე გასროლა განახორციელა და ფეხების არეში რამდენიმე ცეცხლნასროლი დაზიანება მიაყენა. აღნიშნულის შემდეგ ს.გ-მ შეთხვევის ადგილიდან მიმალვა სცადა. ადგილზე მყოფმა დაცვის სამმართველოს უფროსმა ინსპექტორმა ს.გ-ს შემთხვევის ადგილის დატოვების შესაძლებლობა არრ მისცა და სხეულის მიდამოში მის ხელთ არსებული ცეცხლსასროლი იარაღით რამდენჯერმე ესროლა, რომელსაც კანონის მოთხოვნათა დარღვევით ატარებდა. ს.გ. გულ-მკერდის არეში მიყენებული ცეცხლსასროლი დაზიანებებით შემთხვევის ადგილზე გარდაიცვალა",- განაცხადა ბაჩო კვარაცხელიამ ბრიფინგზე.

ცნობისთვის, თბილისში, გოგებაშვილის ქუჩაზე შემთხვევა რომლის დროსაც ერთი ადამიანი მოკლეს, 2 კი, დაჭრეს, გუშინ, 4 მაისს მოხდა. დაჭრილებიდან ერთ-ერთი გივი მარგველაშვილი, იგივე "გიჩოა". მეორე დაჭრილი პირი შემთხვევითი გამვლელია, რომელიც სროლის მომენტში მაღაზიიდან გამოდიოდა. 

რაც შეეხება მოკლულს, ის გიჩო მარგველაშვილზე თავდასხას გეგმავდა, თუმცა ის მარგველაშვილის დაცვამ მოიგერია, რა დროსაც ს.გ დაიღუპა.

ავტორი: ექსპრესნიუსი,

სოციალური ქსელები

ლუკას სიპერი - საქართველოს მთავრობა თავის მოსახლეობას აშორებს ევროპისკენ მიმავალი გზისგან, მაგრამ ეს მხოლოდ დროის ამბავია

დევიდ მაკალისტერი- ყველა ძირითადი ოპოზიციური პარტიის აკრძალვისკენ სწრაფვით, რეჟიმმა ავტორიტარული მმართველობისკენ კიდევ ერთი გულგრილი ნაბიჯი გადადგა

ევროკომისარი როსვოლი - ევროკავშირი ქართულ ოცნებას მოუწოდებს, შეცვალოს თავისი საზიანო ქმედებები და ანტიდემოკრატიული კანონმდებლობა, გაათავისუფლოს თვითნებურად დაკავებული ოპოზიციის წევრები

მალგორჟატა გოშევსკა - ივანიშვილი საქართველოში დემოკრატიას ანადგურებს და ქვეყანას რუსული ტიპის დიქტატურისკენ მიაქანებს