რუსეთის დიქტატორმა, ვლადიმერ პუტინმა პასუხი უნდა აგოს უკრაინაში ჩადენილ დანაშაულებზე. ეს უნდა მოხდეს ჰააგის საერთაშორისო სისხლის სამართლის სასამართლოში,- ამის შესახებ უკრაინის პრეზიდენტმა, ვოლოდიმირ ზელენსკიმ ჰააგის სასამართლოში სიტყვით გამოსვლისას განაცხადა.

ზელენსკის თქმით, პუტინი პასუხს მას შემდეგ აგებს, რაც უკრაინა პუტინის მიერ გაჩაღებულ ომში გაიმარჯვებს. 

"რა თქმა უნდა, ჩვენ ყველას გვსურს სხვა ვლადიმერის ნახვა აქ - გვსურს მისი ნახვა ჰააგაში. ის, ვინც იმსახურებს დანაშაულებრივ ქმედებებში მსჯავრს და ეს უნდა გაკეთდეს აქ, საერთაშორისო სამართლის დედაქალაქში. დარწმუნებული ვარ, ეს მოხდება მაშინ, როდესაც ჩვენ გავიმარჯვებთ და ჩვენ გავიმარჯვებთ არა მარტო ბრძოლის ველზე და არა მხოლოდ აგრესიასთან დუელში... ნახეთ, როგორ გაერთიანდნენ მსოფლიოს ქვეყნები უკრაინელების დასახმარებლად",- განაცხადა ზელენსკიმ.

შეგახსენებთ, რომ უკრაინის პრეზიდენტი ვოლოდიმირ ზელენსკი ოფიციალური ვიზიტით ნიდერლანდებში დღეს ჩავიდა. სახელმწიფოს მეთაურმა  პარლამენტს უკვე მიმართა, ასევე დაგეგმილია მისი შეხვედრა ქვეყნის პრემიერ-მინისტრთან.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია