|
2023-04-26 19:49:29, 1024 ნახვა
საზოგადოება
სილვიო დომენტე ვოზორიტიდზე - ჯერჯერობით, მსოფლიოში მტკიცებულებებზე დაფუძნებული ინფორმაცია არის საკმაოდ შეზღუდული
„სამწუხაროდ ჯერჯერობით, მსოფლიოში მტკიცებულებებზე დაფუძნებული ინფორმაცია არის საკმაოდ შეზღუდული“, - აღნიშნულის შესახებ ჯანდაცვის მსოფლიო ორგანიზაციის საქართველოს წარმომადგენლობის ხელმძღვანელმა, სილვიო დომენტემ განაცხადა. ამის შესახებ ინფორმაციას ჯანდაცვის სამინისტრო ავრცელებს. მისი განმარტებით, აღნიშნულ მედიკამენტთან დაკავშირებით მწირი ინფორმაცია არსებობს და მრავალ ქვეყანაში მისი დანერგვა საკმაოდ ხანგრძლივი პროცესია. „დღევანდელი შეხვედრა ეძღვნებოდა ბავშვების მკურნალობას ამ კონკრეტულ პრეპარატზე, რათა ხელმისაწვდომი გახდეს ეს მედიკამენტი. მსჯელობა იყო, თუ რა ნაბიჯები უნდა გადაიდგას. შეხვედრამ კიდევ ერთხელ აჩვენა, თუ რამდენად კომპლექსური საკითხია და რამდენი რამე უნდა იყოს გათვალისწინებული. სამწუხაროდ ჯერჯერობით, მსოფლიოში მტკიცებულებებზე დაფუძნებული ინფორმაცია არის საკმაოდ შეზღუდული. რამდენიმე გადაწყვეტილებაა მისაღები. რთული პროცესია, რომ ეს წამალი იყოს რეგულირებული და დამტკიცებული საქართველოში. ამისთვის უნდა შეფასდეს პრეპარატის კლინიკური ეფექტურობა. ასევე გასათვალისწინებელია ხარჯთეფექტურობა. მედიკამენტის აღიარება არის პირველი ეტაპი. ეს არ ნიშნავს პროცესის დასრულებას. ხელმისაწვდომი რომ გახდეს კიდევ ბევრი ნაბიჯია გადასადგმელი. ის ფაქტი რომ პრეპარატი იქნება აღიარებული, არ ნიშნავს, რომ უცბად იქნება შესაძლებელი ადგილზე იყოს ხელმისაწვდომი და იყოს ანაზღაურებული“,-განაცხადა სილვიუ დომენტემ. ჯანდაცვის მსოფლიო ორგანიზაციის საქართველოს წარმომადგენლობის ხელმძღვანელის განცხადებით, სახელმწიფომ აქონდროპლაზიის დიაგნოზის მქონე ბავშვებისთვის მნიშვნელოვანი ნაბიჯები გადადგა. „სახელმწიფომ გადადგა მნიშვნელოვანი ნაბიჯები. შექმნა საბჭო, რომელიც განხილავს საკითხს, რომ წამალი იყოს ხელმისაწვდომი, მუშაობენ იმაზეც, თუ როგორ უნდა გახდეს აღიარებული და ხელმისაწვდომი. მეორე მნიშვნელოვანი ნაბიჯია ის, რომ ქვეყანამ დაიწყო მწარმოებელთან მოლაპარაკებები. მკურნალობაში პრეპარატის გარდა არსებობს ქირურგიული ჩარევა, ჰორმონალური მკურნალობა და სხვა საჭიროებების დაკმაყოფილება. ამისთვის, კი პირველ რიგში პაციენტები უნდა იყვნენ კარგად გამოკვლეულები , იმისთვის რომ გამოჩნდეს, რა მდგომარეობა, კლინიკური სიტუაცია და აღწერილობა აქვთ მათ“,-განაცხადა სილვიუ დომენტემ.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



