|
2023-04-20 11:02:43, 912 ნახვა
საზოგადოება
„ნიკა გვარამიას თავისუფლების მოძრაობა“ - ვიწყებთ მუშაობის ახალ ეტაპს - გადაწყვეტილების მიმღებ პირებს მაქსიმალური წნეხი უნდა შევუქმნათ
სამწუხაროდ, საქართველოს პრეზიდენტმა, მიუხედავად საზოგადოებაში არსებული მოლოდინისა, წინასააღდგომოდ არ შეიწყალა ნიკა გვარამია და ამ ბერკეტის არგამოყენებითა და უმოქმედობით, პრაქტიკულად, თანამონაწილე გახდა ხელისუფლების დანაშაულებრივი ქმედებებისა, - ამის შესახებ "ნიკა გვარამიას თავისუფლების მოძრაობის" წარმომადგენლებმა განაცხადეს. მათი თქმით, მოძრაობა გააგრძელებს კოორდინირებულ მუშაობას საერთაშორისო არასამთავრობო ორგანიზაციებთან, დიპლომატიურ კორპუსსა და ყველა პოლიტიკურ პარტიასთან, რათა "მაქსიმალური წნეხი" შეუქმნან გადაწყვეტილების მიმღებ პირებს. "16 მაისს სრულდება ერთი წელი, რაც ნიკა გვარამია იმყოფება უკანონო პატიმრობაში. ამ განაჩენის გამოტანით, ხელისუფლებამ, პრაქტიკულად, დაგვაშორა ჩვენს ევროპულ მომავალს, მოახდინა ევროკავშირის წევრობის საბოტაჟი. დღეს ნიკა გვარამიას გათავისუფლება იმ 12 რეკომენდაციიდან მე-7 რეკომენდაციას წარმოადგენს. ნიკა გვარამიას განაჩენი არის ქვეყანაში პოლიტიკური მართლმსაჯულების არსებობის კლასიკური დადასტურება და ჩვენ რამდენიმე დღის უკან ვიხილეთ, რომ აშშ-მა დაასანქცირა ოთხი მოსამართლე, რაც რეალური დადასტურებაა იმისა, რომ ქვეყანაში მართლმსაჯულება არ გაგვაჩნია. სამწუხაროდ, საქართველოს პრეზიდენტმა, მიუხედავად საზოგადოებაში არსებული მოლოდინისა, წინასააღდგომოდ არ შეიწყალა ნიკა გვარამია. სალომე ზურაბიშვილი, ამ ბერკეტის არგამოყენებითა და უმოქმედობით, პრაქტიკულად, თანამონაწილე გახდა ხელისუფლების დანაშაულებრივი ქმედებებისა, ახანგრძლივებს ნიკა გვარამიას პატიმრობას და ზიანს აყენებს ქვეყნის ევროპულ მომავალს. ამ კონტექსტში, მიგვაჩნია, რომ ხელიდან გაშვებული შესაძლებლობაა 18 აპრილს ევროპარლამენტში დაგეგმილი ვიზიტის გაუქმება პრეზიდენტის მხრიდან. ჩვენი მოძრაობა იწყებს მუშაობის ახალ ეტაპს, არასამთავრობო ორგანიზაციებთან, საერთაშორისო ორგანიზაციებთან, დიპლომატიურ კორპუსთან, ასევე, ყველა ოპოზიციურ პოლიტიკურ პარტიასთან კონსულტაციას, რათა კოორდინირებული მუშაობით, მაქსიმალური წნეხი მივაყენოთ გადაწყვეტილების მიმღებ პირებს და ვაიძულოთ ისინი, რომ უმოკლეს ვადაში გაათავისუფლონ ნიკა გვარამია", - განაცხადეს "ნიკა გვარამიას თავისუფლების მოძრაობის" წევრებმა. ცნობისთვის, "ნიკა გვარამიას თავისუფლების მოძრაობა" 16 თებერვალს დაფუძნდა. მოძრაობა ტელეგადაცემიდან - "რა? სად? როდის?" ინტელექტუალებისა და მედიასაშუალებების წარმომადგენლების ნაწილმა დააფუძნა. მათი მთავარი მიზანი გვარამიას საპატიმროდან დროული გათავისუფლებაა.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



