|
2023-04-19 12:12:11, 823 ნახვა
საზოგადოება
ღვინის ეროვნული სააგენტო ჩინეთში აქტიურ მარკეტინგულ საქმიანობას განაგრძობს
ღვინის ეროვნული სააგენტოს თავმჯდომარე ლევან მეხუზლა სამუშაო ვიზიტით ჩინეთის სახალხო რესპუბლიკაში იმყოფებოდა. ვიზიტის ფარგლებში, სააგენტოს უფროსი ქალაქ ჩენგდუში, ღვინისა და საკვების საერთაშორისო გამოფენის „The 108th China Food & Drinks Fair" გახსნის ღონისძიებას დაესწრო და სამუშაო შეხვედრები გამართა. აღნიშნულის შესახებ ინფორმაციას გარემოს დაცვის და სოფლის მეურნეობის სამინისტრო ავრცელებს. უწყების ცნობით, ლევან მეხუზლა ჩინეთის კვებისა და ფერმენტაციის ეროვნული სამეცნიერო-კვლევითი ინსტიტუტის (CNRIFFI) ვიცე-პრეზიდენტს, „ქართული ღვინის სახლის" დამფუძნებელს ადამ ჰუანგს, სიჩუანის პროვინციისა და ქალაქ ჩენგდუს ადგილობრივი ხელისუფლების, სხვადასხვა სამთავრობო სტრუქტურისა და სავაჭრო ქსელების წარმომადგენლებს შეხვდა. „ქართული ღვინის კონკურენტუნარიანობის გაზრდისთვის, მნიშვნელოვანია საექსპორტო ბაზრების დივერსიფიკაცია. უკვე მრავალი წელია, ჩინეთი საქართველოსთვის ერთ-ერთი სტრატეგიული ბაზარია და, შესაბამისად, ქართული ღვინის პოპულარიზაციის მიზნით, სააგენტო მრავალ აქტივობას ახორციელებს. ჩენგდუში გამართულ შეხვედრებზე განხილული იყო ჩინეთის ბაზარზე ქართული ღვინის საექსპორტო პოტენციალის ზრდის გეგმები, ჩინეთში იმპორტთან დაკავშირებული საკითხები და სავაჭრო ურთიერთობის მიმართულებით ახალი ერთობლივი პროექტები", - აღნიშნა ლევან მეხუზლამ. „ღვინის ეროვნული სააგენტოს თავმჯდომარემ მონაწილეობა მიიღო ღვინის მწარმოებელ ქართულ კომპანიებსა და ჩინურ კომპანიებს შორის თანამშრომლობის შესახებ მემორანდუმის გაფორმების ღონისძიებას. ღვინის ეროვნული სააგენტოს ჩართულობით, ქართული ღვინის მწარმოებელმა ხუთმა კომპანიამ მემორანდუმი ჩინეთის ქალაქ ურუმჩის ორ იმპორტიორ კომპანიასთან გააფორმა. ღონისძიების მონაწილეებს სიტყვით ლევან მეხუზლამ მიმართა, რომელმაც ქართული ღვინის კულტურაზე და ისტორიაზე, ასევე ქართული ღვინისთვის ჩინეთის ბაზრის მნიშვნელობასა და მზარდ ექსპორტზე ისაუბრა. ჩენგდუში გაიმართა მედიაპროდუქტების საკომუნიკაციო კონფერენციაც, სადაც ქართული ღვინის კულტურის, ისტორიისა და თანამედროვე ინდუსტრიის შესახებ პრეზენტაცია ღვინის ეროვნული სააგენტოს მარკეტინგისა და საზოგადოებასთან ურთიერთობის მთავარმა სპეციალისტმა ქეთი გეგენავამ წარადგინა. აღნიშნული ღონისძიება ალკოჰოლური სასმელების ინოვაციებსა და ინვესტიციებს მიეძღვნა და მთელი ჩინეთის მასშტაბით გადაიცა“,- აღნიშნულია ინფორმაციაში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



