2023-04-12 18:26:11, 919 ნახვა
პოლიტიკა
ოხანაშვილი - ანტიკორუფციული ბიუროს გადაწყვეტილება პირის ოლიგარქად ცნობის შესახებ სასამართლოს კონტროლს დაექვემდებარება
ანტიკორუფციული ბიუროს გადაწყვეტილება პირის ოლიგარქად ცნობის ან არ ცნობის შესახებ სასამართლოს კონტროლს დაექვემდებარება, - ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.
მისივე თქმით, კორექტირებული ვერსიის თანახმად, ანტიკორუფციული ბიურო ვალდებული იქნება, ჩაატაროს მოკვლევა, რათა გაარკვიოს, პირი არის თუ არა ოლიგარქი, ხოლო გადაწყვეტილება ოლიგარქად ცნობის შესახებ ძალაში არ შევა, იქამდე სანამ სამართალწარმოება არ დასრულდება.
„პირის მიმართ გადაწყვეტილება ოლიგარქად ცნობის შესახებ ძალაში არ შევა, ვიდრე სამართალწარმოება არ დასრულდება“, - აღნიშნა ოხანაშვილმა.
ავტორი: ექსპრესნიუსი,
epn.ge (@expressnews.ge)
