ეს გახლავთ უპირველეს ყოვლისა მიხეილ სააკაშვილის გულაგების სისტემის მსხვერპლების დაცინვა,- ასე ეხმაურება საქართველოს პარლამენტის თავმჯდომარე შალვა პაპუაშვილი საქართველოს მესამე პრეზიდენტის, მიხეილ სააკაშვილისთვის პოლონეთის ერთ-ერთი უმაღლესი ჯილდოს გადაცემას.

მისი თქმით, „გულაგების სისტემის შემქმნელისთვის“, ადამიანის უფლებების მიმართულებაში ნებისმიერი ჯილდოს გადაცემაზე სხვა შეფასებას ვერ მისცემს.

„გულაგების სისტემის შემქმნელისთვის და ადამიანის წამებაზე და ღირსების აყრაზე დაფუძნებული სახელმწიფო მანქანის შემქმნელისთვის, ადამიანის უფლებების მიმართულებაში ნებისმიერი ჯილდოს გადაცემა, ეს გახლავთ უპირველეს ყოვლისა მიხეილ სააკაშვილის გულაგების სისტემის მსხვერპლების დაცინვა. ამას სხვა შეფასებას, გარდა იმისა, რომ ეს არის მიხეილ სააკაშვილის მსხვერპლების დაცინვა, მე ვერ მივცემ და ძალიან სამწუხაროა“,- განაცხადა პაპუაშვილმა.

ცნობისთვის, დღეს 12 აპრილს თავისუფლებისთვის ბრძოლაში შეტანილი წვლილისთვის მიხეილ სააკაშვილს პოლონეთში ერთ-ერთი უმაღლეს ჯილდოს „პრომეთეს ჯილდოს” გადასცემენ.

აღსანიშნავია, რომ მანამდე საქართველოს ყოფილ პრეზიდენტს, მიხეილ სააკაშვილს ნორვეგიელი პოლიტიკოსის, შურ ლინდერბრექეს სახელობის პრიზი გადაეცა. ჯილდო მესამე პრეზიდენტის ოჯახის წევრებმა ჩაიბარეს.

აღნიშნულს 27 მარტს გამოეხმაურა პრემიერ-მინისტრი ირაკლი ღარიბაშვილი. მთავრობის მეთაურის თქმით, "ეს იგივეა, რომ რომელიმე ქვეყანამ ბრეივიკს გადასცეს ჯილდო".

ღარიბაშვილის ეს განცხადება შეაფასა ნორვეგიის ელჩმა. ჰელენ სანდ ანდრესენმა თქვა, რომ  სააკაშვილის ტერორისტ ბრეივიკთან შედარება "უაღრესად უადგილოა".

ავტორი: ექსპრესნიუსი,

სოციალური ქსელები

კრემლმა შესთავაზა შეერთებულ შტატებს ევროპის გავლენის სფეროებად დაყოფა, როგორც ეს ცივი ომის დროს იყო

მიტროპოლიტ იობის გინების გამო, შსს-მ ლაშა ნაცვლიშვილის მიმართ ადმინისტრაციული წარმოება დაიწყო

საბა ლაზიშვილმა ამერიკულ ორგანიზაცია RAF-ში სადებიუტო ბრძოლა მოიგო

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს