|
2023-04-10 17:14:57, 1222 ნახვა
საზოგადოება
ევროპის საბჭოს (CoE) პროექტის ფარგლებში, გენერალურ პროკურატურაში სასწავლო ვიზიტით მოლდოვის რესპუბლიკის დელეგაცია იმყოფებოდა
საქართველოს გენერალურ პროკურატურაში, ევროპის საბჭოს (CoE) პროექტის - „მოლდოვის რესპუბლიკაში სტამბოლის კონვენციის იმპლემენტაციის ხელშეწყობა" ფარგლებში, სასწავლო ვიზიტით მოლდოვის რესპუბლიკის დელეგაცია იმყოფებოდა. ამის შესახებ ინფორმაციას საქართველოს გენერალური პროკურატურა ავრცელებს. უწყების ცნობით, ვიზიტის მიზანს ოჯახში ძალადობის, ქალთა მიმართ გენდერული ძალადობისა და ფემიციდის წინააღმდეგ ბრძოლის მიმართულებით საქართველოს პროკურატურის გამოცდილების გაზიარება წარმოადგენდა. საქართველოს პროკურატურის წარმომადგენლებმა დელეგაციის წევრებს, ევროპის საბჭოს კონვენციის (სტამბოლის კონვენცია) რატიფიცირების შემდგომ, საქართველოს პროკურატურის მიერ განხორციელებული რეფორმების და ღონისძიებების შესახებ ინფორმაცია მიაწოდეს. კერძოდ, ყურადღება გამახვილდა პროკურორთა სპეციალიზაციის დანერგვაზე, მკაცრი სისხლის სამართლის პოლიტიკის გატარებაზე, დაზარალებულთა და მსხვერპლთა მხარდაჭერის სერვისებსა და დაზარალებულზე ორიენტირებული მიდგომების პრაქტიკაში იმპლემენტაციაზე. ასევე, შეხვედრაზე პროკურატურის მიერ ფემიციდის წინააღმდეგ მიმდინარე კამპანიის ,,არა ფემიციდის" ფარგლებში განხორციელებულ ღონისძიებებზე ისაუბრეს. მოლდოვის რესპუბლიკის პროკურატურის წარმომადგენელმა ქართველ კოლეგებს სტამბოლის კონვენციის რატიფიცირების პროცესზე საკუთარი ქვეყნის გამოცდილება გაუზიარა და აღნიშნა, რომ საქართველოს წარმატებული პრაქტიკის გაზიარება ქალთა მიმართ ძალადობის წინააღმდეგ ბრძოლის მიმართულებით და ურთიერთთანამშრომლობის გაღრმავება ძალიან მნიშვნელოვანია. ევროპის საბჭო საქართველოს პროკურატურის სტრატეგიული პარტნიორია და ევროპის საბჭოს წევრ ქვეყნებს შორის საუკეთესო პრაქტიკის შესახებ გამოცდილების გაზიარება, ასევე, წარმატებული და შედეგზე ორიენტირებული თანამშრომლობის ფორმატი მომავალშიც აქტიურად გაგრძელდება.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



