ვერ დადგები, ირაკლი, ცალ ფეხზე იმიტომ, რომ შენ უკვე მუხლებზე დგახარ რუსეთთან, - ასე პასუხობს "სტრატეგია აღმაშენებლის" წარმომადგენელი პაატა მანჯგალაძე მოსამართლეთა სანქცირების საკითხზე "ქართული ოცნების" თავმჯდომარის, ირაკლი კობახიძის განცხადებას.

მანჯგალაძის თქმით, აშშ-ის მიერ ქართველი მოსამართლეებისთვის სანქციების დაწესება "ბოლო სიგნალი" და "ბოლო გაფრთხილებაა".

"ეს არის ბოლო გაფრთხილება. ეს არის ბოლო სიგნალი, რომ ამერიკა ვერ და არ შეეგუება იმას, რომ ქვეყანაში იყოს ანტიდემოკრატიული რეჟიმი და არაფორმალური მმართველობა.

მინდა ირაკლი კობახიძესა და "ქართული ოცნების" პროპაგანდისტებს ვუპასუხო - დაიხვიეს გიორგი ბურჯანაძის გამოსვლა, რომ "ჩვენ ცალ ფეხზე არ დავდგებით" - თითქოს, ვინმემ მოსთხოვა ცალ ფეხზე დადგომა. ვერ დადგები, ირაკლი, ცალ ფეხზე, პირდაპირ გეუბნები - იმიტომ, რომ შენ უკვე მუხლებზე დგახარ რუსეთთან და რომც მოინდომო, ვერ დადგები ცალ ფეხზე", - ამბობს მანჯგალაძე.

შეგახსენებთ,  გუშინ, 5 აპრილს აშშ-ის სახელმწიფო დეპარტამენტმა მოსამართლე მიხეილ ჩინჩალაძე, ლევან მურუსიძე, ირაკლი შენგელია და ვალერიან ცერცვაძე კორუფციის გამო დაასანქცირა.

სანქცია ითვალისწინებს აღნიშნული პირებისა და მათი უშუალო ოჯახის წევრების მიმართ აშშ-ში შესვლის აკრძალვას. 

აღნიშნულ საკითხზე საუბრისას "ქართული ოცნების" თავმჯდომარემ, ირაკლი კობახიძემ განაცხადა, რომ "ცალ ფეხზე ჩვენ არ დავდგებით, ჩვენ ვიდგებით ორ ფეხზე და დავიცავთ ჩვენს სუვერენიტეტს".

ავტორი: ექსპრესნიუსი,

სოციალური ქსელები

ყირიმში ელექტროენერგიის გათიშვა უკრაინის თავდასხმის შემდეგ მოხდა

რუსმა ოკუპანტებმა კიევში საცხოვრებელი სახლები ამ კვირაში მეორედ დაბომბეს, 11 ადამიანი დაიღუპა და 40-ზე მეტი დაიჭრა

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ