|
2023-04-04 14:04:25, 1055 ნახვა
საზოგადოება
ღვინის ეროვნული სააგენტოს მხარდაჭერით, რაჭა-ლეჩხუმის მეღვინეებისთვის სასწავლო კურსი იმართება
ღვინის ეროვნული სააგენტოს მხარდაჭერით, რაჭა-ლეჩხუმის მეღვინეებისთვის ერთკვირიანი პროფესიული სასწავლო კურსი ქალაქ ამბროლაურში იმართება. ღვინის ეროვნული სააგენტოს ცნობით, ერთკვირიანი სასწავლო კურსს რეგიონის 70-მდე მარნის წარმომადგენელი ესწრება. "მონაწილეები ინფორმაციას სხვადასხვა საკითხზე, მათ შორის, მევენახეობის საფუძვლები, ვენახების კადასტრი, საექსპორტო დოკუმენტაციის მომზადება, ღვინის ეტიკეტირება, მარკეტინგი და სერტიფიცირება დარგის სპეციალისტებისგან იღებენ. აღნიშნული საკითხების საფუძვლიანი ცოდნა უმნიშვნელოვანესი ფაქტორია მცირე მარნების განვითარებისთვის. პროფესიული სასწავლო კურსის დასრულების შემდეგ, მონაწილეებს სერტიფიკატები გადაეცემათ. პროფესიული სასწავლო კურსი ქვემო სვანეთის რეგიონული სამსახურის ჩართულობით ტარდება. აღსანიშნავია, რომ სასწავლო კურსი წინ უსწრებს ამბროლაურში, მიმდინარე წლის ივლისში დაგეგმილ რიგით მეორე ღვინის ფესტივალს, რომლის ფარგლებშიც რაჭა-ლეჩხუმის ღვინის საწარმოებისა და მცირე მარნების წარმომადგენლებს შესაძლებლობა ექნებათ, საკუთარი პროდუქცია შესთავაზონ ფესტივალზე მოწვეულ ევროპელ სომელიეებს, იმპორტიორებსა და ქართველ ექსპორტიორებს, რომლებიც რეგიონის ღვინის პოპულარიზაციით არიან დაინტერესებულნი. რაჭა-ლეჩხუმის ღვინის ფესტივალი ღვინის ეროვნული სააგენტოს მხარდაჭერით იმართება და მისი მიზანი ადგილობრივი მევენახეობა-მეღვინეობის განვითარების ხელშეწყობაა",- ნათქვამია ღვინის ეროვნული სააგენტოს ინფორმაციაში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



