|
2023-03-30 13:10:57, 976 ნახვა
საზოგადოება
გვინდა ზაზა ავალიანის შეცვლა და მის ადგილას გიორგი დუნდუა - რესპუბლიკური საავადმყოფოს ექიმების პროტესტი გრძელდება
რესპუბლიკურ საავადმყოფოში მედიკოსების პროტესტი გრძელდება. ექიმები მეოთხე დღეა, რაც პრემიერ-მინისტრ ირაკლი ღარიბაშვილთან შეხვედრას, კლინიკის დირექტორის,ზაზა ავალიანის თანამდებობიდან გათავისუფლებასა და პერსონალის შენარჩუნებას მოითხოვენ. როგორც რესპუბლიკურ საავადმყოფოში დღეს შეკრებილმა მედიკოსებმა განცხადეს, მათ სამ ძირითად მოთხოვნას დაემატა კიდევ ერთი მოთხოვნა, რომელიც კლინიკის დირექტორად გიორგი დუნდუას დანიშვნას გულისხმობს. "დღევანდელ დღეს ჩვენ გავაჟღერეთ ახალი მოთხოვნა. ერთხმად შევჯერდით მთელი სამუშაო კოლექტივი, რომ გვინდა, ჩვენი დირექტორი გახდეს გიორგი დუნდუა. ამ წუთებში შედგა პეტიცია, სადაც ეს ყველაფერი ხელმოწერებით დადასტურდება. გვინდა, მოქმედი დირექტორის, ზაზა ავალიანის შეცვლა და მის ადგილას გიორგი დუნდუა", - უთხრა "მთავარ არხს" საავამდყოფოს ერთ-ერთმა ექიმმა. შეგახსენებთ, 21 მარტს გავრცელდა ღია წერილი, რომელშიც კლინიკის თანამშრომლებმა განაცხადეს, რომ ჯანდაცვის მინისტრმა რესპუბლიკურის შენობის ნგრევა დააანონსა. 27 მარტს, საქართველოს პრემიერ-მინისტრმა, ირაკლი ღარიბაშვილმა განაცხადა, რომ რესპუბლიკური საავადმყოფოს არც ერთი თანამშრომელი სამსახურის გარეშე არ დარჩება. ამავე დღეს, აღნიშნულ საკითხს გამოეხმაურა ჯანდაცვის მინისტრიც. ზურაბ აზარაშვილის თქმით, რესპუბლიკური საავადმყოფოს პერსონალს მომდევნო კვირას შეხვდება. უფრო ადრე, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილემ, თამარ გაბუნიამ განაცხადა, რომ რესპუბლიკური საავადმყოფოს მდებარეობის შენარჩუნება, ახალი კლინიკის მშენებლობა და გაძლიერება სტრატეგიული პრიორიტეტია. რაც შეეხება საავადმყოფოს მედპერსონალს, მინისტრის მოადგილე თქვა, რომ "უფლებები როგორც ანაზღაურების, ისე დასაქმების, ასევე ის, რომ პროფესიონალები, რომლებიც დღეს მუშაობენ რესპუბლიკურ საავადმყოფოში, გააგრძელონ მათი საქმიანობის შესრულებას გარდამავალ პერიოდში, ეს ყველაფერი არის განხილვის ფაზაში". რესპუბლიკური საავადმყოფოს დირექტორის, ზაზა ავალიანის თქმით, გეგმა, რომ შენობა გაიყიდება ან სხვა სახის საინვესტიციო პროექტი განხორციელდება, არ არსებობს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



