მკვლელი სისტემის შემოქმედი დააჯილდოვეს ადამიანის უფლებების დარგში მიღწევებისთვის, ეს დაცინვაა ჩვენი ხალხის, - ასე უპასუხა პრემიერ-მინისტრმა ირაკლი ღარიბაშვილმა ჟურნალისტების მიერ დასმულ შეკითხვას, საქართველოს ყოფილი პრეზიდენტის  მიხეილ სააკაშვილისთვის ნორვეგიელი პოლიტიკოსის შურ ლინდერბრექეს სახელობის პრიზის გადაცემასთან დაკავშირებით.

პრემიერ-მინისტრმა მესამე პრეზიდენტი ანდერს ბრეივიკს შეადარა და აღნიშნა, რომ სააკაშვილისთვის ჯილდოს გადაცემა "იგივეა, რომ რომელიმე ქვეყანამ ბრეივიკს ჯილდო გადასცეს".

„როცა ადამიანებს დანაშაულებრივი სისტემა აწამებდა, აუპატიურებდა, ტანჯავდა, კლავდა და სააკაშვილი დაჯილდოვდა ნორვეგიის რომელიღაც ორგანიზაციის მიერ, წარმოიდგინეთ, რამხელა დაცინვაა ჩვენი ხალხის და შეურაცხყოფა. მთელს მსოფლიოში ცნობილი, ავოტორიტარული, თითქმის დიქტატორული ყოფილი მმართველი სააკაშვილი, რომელიც იყო მჩაგვრელი, მკვლელი სისტემის შემოქმედი დააჯილდოვეს ადამიანის უფლებების დარგში მიღწევებისთვის, ეს დაცინვაა ჩვენი ხალხის. თქვენ გახსოვთ ალბათ, ნორვეგიაში ბრეივიკმა ძალიან ბევრი ადამიანი დახოცა. რომელიღაც ქვეყანამ, რომ ბრეივიკს გადასცეს ეს ჯილდო, ჩემთვის იგივეა“, - განაცხადა ირაკლი ღარიბაშვილმა.

ცნობისთვის, საქართველოს ყოფილ პრეზიდენტს, მიხეილ სააკაშვილს ნორვეგიელი პოლიტიკოსის, შურ ლინდერბრექეს სახელობის პრიზი გადაეცა. ჯილდო მესამე პრეზიდენტის ოჯახის წევრებმა ჩაიბარეს.

ავტორი: ექსპრესნიუსი,

სოციალური ქსელები

უპასუხისმგებლო და უნიჭო ცინიზმი - კირცხალიას გახარიას გუნდში უპასუხეს

ირაკლი კირცხალია - სენეგალში, დეპუტატმა ფეხმძიმე კოლეგას ჩაარტყა ფეხი - ბატონმა გიგა ფარულავამ წარმოადგინოს ორსულობის შესახებ ცნობა

Sky: პრინც ჰარის ბუკინგემის სასახლეში დარჩენის შესაძლებლობა ჩამოერთვა

ბაზისბანკის და საბვეის გემრიელი, ჯანსაღი და საიმედო პარტნიორობა