ქედის მუნიციპალიტეტში სოფლის მხარდაჭერის პროგრამის ფარგლებში მოსახლეობასთან შეხვედრები დასრულდა

2023-03-24 20:42:44, 732 ნახვა

საზოგადოება

სოფლის მხარდაჭერის პროგრამის ფარგლებში მოსახლეობასთან შეხვედრები დასრულდა, რომელიც მუნიციპალიტეტის 64 -ვე სოფელში გაიმართა.

ქედის მუნიციპალიტეტის მერი როლანდ ბერიძე, ქედის საკრებულოს მაჟორიტარი ლევან ვერძაძე და წარმომადგენელი რეზი ვარშანიძე მახუნცეთის ადმინისტრაციულ ერთეულში სოფელი ნამლისევის, უჩხითის და მილისის მოსახლეობას შეხვდა. მოსახლეობას პარალელურად სხვადასხვა ადმინისტრაციულ ერთეულებში ადგილობრივი თვითმმართველობის წარმომადგენლები ხვდებიან.

შეხვედრების მიზანია მოსახლეობის ჩართულობა გადაწყვეტილების მიღების პროცესში, რომ მოსახლეობამ პრიორიტეტების მიხედვით თავად აირჩიოს საკუთარ სოფელში განსახორციელებელი პროექტები.

მოსახლეობის მიერ შერჩეული პროექტები მიმდინარე წელს განხორციელდება. მათი ძირითადი მოთხოვნა გარეგანათება და ბეტონის საფარი იყო.

სოფლის მხარდაჭერის პროგრამის ბიუჯეტი 750 000 ლარს შეადგენს.

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),