|
2023-03-23 12:24:38, 729 ნახვა
საზოგადოება
თავდაცვის ძალების მეთაური ვიზიტით სლოვაკეთის რესპუბლიკაში იმყოფებოდა
საქართველოს თავდაცვის ძალების მეთაური ვიზიტით სლოვაკეთის რესპუბლიკაში იმყოფებოდა. გენერალ-მაიორ გიორგი მათიაშვილს სლოვაკეთის თავდაცვის სამინისტროსა და შეიარაღებული ძალების ხელმძღვანელმა პირებმა უმასპინძლეს. თავდაცვის უწყების ცნობით, გენერალურ შტაბში გამართულ ორმხრივ შეხვედრაზე საქართველოს თავდაცვის ძალების მეთაურს ვიზიტისთვის მადლობა გადაუხადეს, ჩვენი ქვეყნის სუვერენიტეტისა და ევროატლანტიკური ინტეგრაციის გზაზე მტკიცე მხარდაჭერა გამოხატეს და არსებულ რთულ უსაფრთხოების გარემოში პარტნიორებს შორის კავშირების გაძლიერების მნიშვნელობა ხაზგასმით აღნიშნეს. "მხარეებმა თავდაცვის სფეროში თანამშრომლობის საკითხები მიმოიხილეს და მომავალი თანამშრომლობის კონკრეტული მიმართულებები დასახეს. გენერალ-მაიორმა გიორგი მათიაშვილმა სლოვაკეთის მხარეს საქართველოს თავდაცვის ძალებში განხორციელებულ რეფორმებზე ინფორმაცია მიაწოდა. თავდაცვის ძალების მეთაურმა ნატო-საქართველოს არსებითი პაკეტის (SNGP) განხორციელების პროცესში, ასევე, ორმხრივ თუ ნატოსა და ევროკავშირის ფორმატებში სლოვაკეთის მიერ გაწეულ დახმარებაზე გაამახვილა ყურადღება. საუბრის ერთ-ერთ თემას საქართველოსა და სლოვაკეთში გამართულ საერთაშორისო სამხედრო სწავლებებში ერთობლივი მონაწილეობა წარმოადგენდა. ვიზიტის ფარგლებში, საქართველოს თავდაცვის ძალების მეთაურსა და დელეგაციის წევრებს ნატოს ეგიდით მიმდინარე მრავალეროვნული სამეთაურო-საშტაბო სწავლების გაცნობის შესაძლებლობაც ჰქონდათ. სამხედრო წვრთნებში Slovak Shield 2023 – „სლოვაკური ფარი 2023“ საქართველოს თავდაცვის ძალებმა პირველად მიიღო მონაწილეობა დამკვირვებლის სტატუსით. სწავლება ნატოს წევრ და პარტნიორ ქვეყნებს შორის ურთიერთთავსებადობის გაზრდასა და სამხედრო მოსამსახურეების საბრძოლო მომზადების დონის ამაღლებას უწყობს ხელს", - აღნიშნულია თავდაცვის სამინისტროს ინფორმაციაში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



