|
2023-03-23 11:04:26, 601 ნახვა
საზოგადოება
საქართველოს პროკურატურაში ვიზიტით ტაილანდის სამეფოს გენერალური პროკურატურის დელეგაცია იმყოფებოდა
საქართველოს პროკურატურაში ვიზიტით ტაილანდის სამეფოს გენერალური პროკურატურის დელეგაცია იმყოფებოდა. აღნიშნულის შესახებ ინფორმაციას საქართველოს გენერალური პროკურატურა ავრცელებს. უწყების ცნობით, ვიზიტის ფარგლებში, საქართველოს გენერალურ პროკურატურაში გაცნობითი ხასიათის შეხვედრა გაიმართა. შეხვედრას საქართველოს გენერალური პროკურორის პირველი მოადგილე ბაკურ აბულაძე, საქართველოს პროკურატურის სტრუქტურული დანაყოფების ხელმძღვანელები და ტაილანდის სამეფოს პროკურატურის წარმომადგენლები ესწრებოდნენ. "გენერალური პროკურორის პირველმა მოადგილემ ბაკურ აბულაძემ დელეგაციის წარმომადგენლებს მიაწოდა ინფორმაცია ქართულ მართლმსაჯულების სისტემაში პროკურატურის როლის, მისი ძირითადი ფუნქციების და პროკურატურის დამოუკიდებლობის უზრუნველყოფის მიზნით უწყებაში გატარებული რეფორმების თაობაზე. გარდა აღნიშნულისა, გენერალური პროკურორის პირველმა მოადგილემ მადლობა გადაუხადა სტუმრებს,საქართველოს პროკურატურის საქმიანობის მიმართ გამოხატული ინტერესისთვის და გამოხატა მზაობა, რათა საქართველოსა და ტაილანდის პროკურატურებს შორის მომავალში ურთიერთთანამშრომლობა გაღრმავდეს. ასევე, შეხვედრის მიმდინარეობისას საქართველოს პროკურატურის საერთაშორისო ურთიერთობების და სამართლებრივი უზრუნველყოფის დეპარტამენტის უფროსმა ირაკლი ჩილინგარაშვილმა ტაილანდელ კოლეგებს მიწოდა ინფორმაცია პროკურატურაში არსებული კოლეგიური ორგანოების, სტაჟირების გავლის წესის, თანამშრომელთა შეფასების სისტემის და მომავალში უწყების მიერ დაგეგმილი ღონისძიებების თაობაზე. შეხვედრაზე საქართველოს პროკურატურის წარმომადგენლებმა, სტუმრებს სისხლის სამართლის და საპროცესო კანონმდებლობის საკითხებთან დაკავშირებით მათთვის საინტერესო კითხვებზე უპასუხეს. დასასრულს, მხარეებმა კიდევ ერთხელ გამოხატეს სურვილი, რათა საქართველოსა და ტაილანდის სამეფოს პროკურატურებს შორის სამართლებრივ საკითხებთან დაკავშირებით მომავალში გაგრძელდეს ურთიერთთანამშრომლობა",- აღნიშნულია ინფორმაციაში.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



