პრობლემები სადაც არის, ეს არის ორი ძირითადი მიმართულება, ერთი მიმართულება ეხება ღირებულებით ნაწილს, იგულისხმება ის, რომ ამ ოფიციალურ სტრუქტურებში ვერ ხედავენ „ქართული ოცნების” მხრიდან მზაობას, რომ მოხდეს დემონსტრირება, რომ ჩვენ, საქართველო ვიზიარებთ იმ ღირებულებებს, რომლებიც არის მნიშვნელოვანი შემადგენელი ნაწილი ევროკავშირის, - ამის შესახებ "გირჩი - მეტი თავისუფლების" ლიდერმა, ზურაბ ჯაფარიძემ ბრიუსელში გამართულ შეხვედრებთან დაკავშირებით განაცხადა.

როგორც ჯაფარიძემ "სტრატეგია აღმაშენებლის", "დროას" და "გირჩი - მეტი თავისუფლების" ერთობლივ პრესკოფერენციაზე აღნიშნა, ევროკავშირის რიგ სტრუქტურებში აქვთ კითხვები იმასთან დაკავშირებით, სად და ვის მხარეს არის საქართველო რუსეთ-უკრაინის ომის დროს.

"ჩვენი აზრით, მნიშვნელოვანია საზოგადოებას მივაწოდოთ ის ინფორმაცია იმის შესახებ, თუ რა განწყობა დაგვხვდა ევროკავშირში. ცხადია, ჩვენი შეხვედრების ძირითადი სადისკუსიო საგანი იყო კანდიდატის სტატუსი და ამ სტატუსის მიღების ალბათობა და ორიოდე სიტყვით მინდა მოგიყვეთ, რა ინფორმაცია მივიღეთ ამ შეხვედრებზე. პრობლემები სადაც არის, ეს არის ორი ძირითადი მიმართულება, ერთი მიმართულება ეხება ღირებულებით ნაწილს, იგულისხმება ის, რომ ამ ოფიციალურ სტრუქტურებში ვერ ხედავენ „ქართული ოცნების” მხრიდან მზაობას, რომ მოხდეს დემონსტრირება, რომ ჩვენ, საქართველო ვიზიარებთ იმ ღირებულებებს, რომლებიც არის მნიშვნელოვანი შემადგენელი ნაწილი ევროკავშირის - ეს ეხება სასამართლოს დამოუკიდებლობას, თავისუფალი, სამართლიანი არჩევნების ჩატარების სურვილს, პოლიტიკური პატიმრების არ ყოლას ქვეყანაში, თავისუფალი და პლურალისტული მედია გარემოს არსებობას ქვეყანაში.. მეორე ნაწილი პრობლემის ეხება საქართველოს გეოპოლიტიკურ პოზიციონირებას უკრაინის ომთან მიმართებაში, ევროკავშირის რიგ სტრუქტურებში აქვთ კითხვები იმასთან დაკავშირებით, სად არის საქართველო ამ ომის დროს, ვის მხარეს არის. ჩვენ გვქონდა შეხვედრები სადაც ღია ტექსტით გვითხრეს, რომ მათ გაარკვიეს სად არის საქართველო და საქართველო არ არის უკრაინის მხარეს", - აღნიშნა ზურაბ ჯაფარიძემ.

ავტორი: ექსპრესნიუსი,

სოციალური ქსელები

მიტროპოლიტ იობის გინების გამო, შსს-მ ლაშა ნაცვლიშვილის მიმართ ადმინისტრაციული წარმოება დაიწყო

საბა ლაზიშვილმა ამერიკულ ორგანიზაცია RAF-ში სადებიუტო ბრძოლა მოიგო

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.