|
2023-03-14 10:55:28, 875 ნახვა
საზოგადოება
სოფლის მეურნეობის სამინისტრო - ერთიანი ჯანმრთელობის ჩარჩოს ფარგლებში, CDC-თან თანამშრომლობა მომავალშიც გაგრძელდება
გარემოს დაცვისა და სოფლის მეურნეობის მინისტრის პირველი მოადგილე გიორგი ხანიშვილი და აშშ-ის დაავადებათა კონტროლისა და პრევენციის ცენტრების (CDC) დელეგაციას შეხვდა. სოფლის მეურნეობის სამინისტროს ცნობით, შეხვედრაზე საუბარი შეეხო საქართველოში CDC-ის მხარდაჭერით განხორციელებული/მიმდინარე პროექტების მნიშვნელობას და სამომავლო თანამშრომლობის საკითხებს. გიორგი ხანიშვილმა მადლობა გადაუხადა ამერიკულ მხარეს წლების განმავლობაში საქართველოს მხარდაჭერისთვის სოფლის მეურნეობის, მათ შორის ცხოველთა ჯანმრთელობის დაცვის, ზოონოზური დაავადებების კონტროლის/პრევენციისა და ლაბორატორიული შესაძლებლობების გაძლიერების მიმართულებით. ,,ჩვენთვის ძალიან მნიშვნელოვანია პარტნიორების მხარდაჭერა იმისთვის, რომ უზრუნველვყოთ ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) ფარგლებში აღებული ვალდებულებების იმპლემენტაცია, რაც შესაბამის ტექნიკურ ბაზებს, ფინანსურ და ადამიანურ რესურსს, ასევე ცოდნას საჭიროებს. ხაზგასმით მინდა აღვნიშნო CDC-ის ფინანსური და ტექნიკური მხარდაჭერის მნიშვნელობა ისეთი მიმართულებებით, რაც ვერ იფარება სახელმწიფო კონტროლის ფარგლებში. საქართველო მსოფლიოს ნაწილია, შესაბამისად, ჩვენი ქვეყნის ეპიზოოტიური კეთილსაიმედოობა გავლენას ახდენს სხვა ქვეყნებზეც. სწორედ ამიტომ, მნიშვნელოვანია განვახორციელოთ ისეთი პროექტები, რაც ქვეყანაში ცხოველთა დაავადებების ზედამხედველობა/კონტროლს და ზოონოზური დაავადებების აღმოფხვრას უზრუნველყოფს. ჩვენ მზად ვართ, სახელმწიფოს მხრიდან მაქსიმუმი გაკეთდეს იმისთვის, რათა CDC-ის მხარდაჭერილი პროექტები მომავალშიც წარმატებით განხორციელდეს“, - აღნიშნა გიორგი ხანიშვილმა. შეხვედრაზე განიხილეს ერთიანი ჯანმრთელობის ჩარჩოს ფარგლებში, CDC-ის მიერ დაფინანსებული ერთობლივი პროექტების (ფრინველის გრიპის პროექტი (მიმდინარე), სურსათის მოწამვლების მოკვლევის პროექტი, ლაბორატორიული შესაძლებლობების განვითარების მხარდაჭერის პროექტი, ცოფის პროექტი, ყირიმ-კონგოს პროექტი და სხვა განხორციელებული პროექტები) მიმდინარეობა და შედეგები. CDC-ის წარმომადგენლების მხრიდან დადებითად შეფასდა სამინისტროს მიერ განხორციელებული პროექტები და მიღწეული შედეგები. აღინიშნა, რომ აშშ-ის დაავადებათა კონტროლისა და პრევენციის ცენტრების მხრიდან, ერთიანი ჯანმრთელობის ჩარჩოს ფარგლებში, სხვა უწყებებთან ერთად, თანამშრომლობა და ერთობლივი პროექტების მხარდაჭერა მომავალშიც გაგრძელდება. შეხვედრას ესწრებოდნენ საქართველოს გარემოს დაცვისა და სოფლის მეურნეობის სამინისტროსა და მის სისტემაში შემავალი შესაბამისი უწყების და CDC-ის აღმოსავლეთ ევროპისა და ცენტრალური აზიის (EECA) ოფისის წარმომადგენლები.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



