2023-03-04 12:30:33, 1208 ნახვა

---

ნეაპოლში ხვიჩა კვარაცხელიას საგულშემატკივროდ მისული ქართველი დააკავეს, საბერძნეთს მასზე 2012 წლიდან ძებნა ჰქონდა გამოცხადებული

ნეაპოლის საერთაშორისო აეროპორტში დააკავეს ძებნილი ქართველი, რომელზეც საბერძნეთს 2012 წლიდან საერთაშორისო ძებნა ჰქონდა გამოცხადებული. ამის შესახებ ინფორმაციას იტალიური მედია ავრცელებს.

არსებული ინფორმაციით, 38 წლის ი.ნ., რომელსაც საბერძნეთში ორი ადამიანის მკვლელობის მცდელობისთვის 10-წლიანი პატიმრობა აქვს მისჯილი, ნეაპოლში თბილისიდან ჩარტერული რეისით ჩაფრინდა, რათა ქართველი ფეხბურთელის ხვიჩა კვარაცხელიას თამაშზე დასწრებულიყო.

"ნ.ი. 38 წლის ქართველი, კაპოდიჩინოს საჰაერო სასაზღვრო პოლიციის ოფისმა ევროპული დაპატიმრების ორდერის აღსრულების მიზნით დააკავა, საბერძნეთის სასამართლოს მიერ 2012 წლის ოქტომბერში გამოტანილი აღმასრულებელი სასჯელი 10 წლით თავისუფლების აღკვეთა - მიესაჯა მკვლელობის მცდელობისთვის",- წერს იტალიური მედია. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი