პარტია „მოქალაქეები“ სახალხო დამცველის კანდიდატად ლევან იოსელიანს წარადგენს. ამის შესახებ პარტიის ლიდერმა, ალეკო ელისაშვილმა პარლამენტში გამართულ ბრიფინგზე განაცხადა. 

მისი თქმით, ლევან იოსელიანი არის პარლამენტში ერთადერთი ადამიანი, ვის გარშემოც შესაძლებელია კონსენსუსი. 

"ჩვენმა პარტიამ მივიღეთ ჩვენთვის ძალიან რთული გადაწყვეტილება, მაგრამ ვფიქრობ და ღრმად დარწმუნებული ვარ, რომ ქვეყნისთვის სწორი. ყველა ვხედავთ, რომ ამ პარლამენტში სულ რამდენიმე ადამიანია, შესაძლოა მხოლოდ ერთი, ვის გარშემოც შესაძლებელია კონსენსუსი.  მე მინდა ლევენ იოსელიანი წარვადგინო სახალხო დამცველის კანდიდატად,"- განაცხადა ალეკო ელისაშვილმა. 

შეგახსენებთ, რომ ნინო ლომჯარიას სახალხო დამცველის უფლებამოსილების ვადა 8 დეკემბერს ამოეწურა. 

ომბუდსმენის პოსტზე გიორგი ბურჯანაძე, ანა აბაშიძე, ნაზი ჯანეზაშვილი, ნუგზარ კოხრეიძე, მარიკა არევაძე, თინათინ ერქვანია, გიორგი მარიამიძე, ლელა გაფრინდაშვილი, ქეთევან ჩაჩავა, ნიკოლოზ ნიკოლაძე, ალექსანდრე კობაიძე, იაგო ხვიჩია,  სოფიო დემეტრაშვილი, ჯემალ ნათელაშვილი, ლევან კოკორაშვილი, გიორგი ცობეხია, მაკა მინდიაშვილი, ევგენია თავაძე და სერგო მახარაძე არიან წარდგენილი.

აღსანიშნავია, რომ ომბუდსმენის კანდიდატურა არ წარუდგენია თავად მმართველ პარტიას. 

ავტორი: ექსპრესნიუსი,

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა