უკრაინის თავდაცვის სამინისტროს მთავარი სადაზვერვო სამმართველოს უფროსის მოადგილის, ვადიმ სკიბიცკის განცხადებით, გაზაფხულზე უკრაინა კონტრშეტევისთვის მზად იქნება.

როგორც სკიბიცკიმ გერმანულ მედიაჯგუფ Funke-თან ინტერვიუში აღნიშნა, "ზუსტი მომენტი დამოკიდებულია მთელ რიგ ფაქტორებზე, მათ შორის დასავლური იარაღის მიწოდებაზე".

„ვფიქრობ, გაზაფხულზე ჩვენ მზად ვიქნებით კონტრშეტევისთვის“, - განაცხადა მთავარი სადაზვერვო სამმართველოს უფროსის მოადგილემ და არ გამორიცხა, რომ უკრაინამ რუსეთში, ბელგოროდის ოლქში იარაღის საცავებს დაარტყას.

"უკრაინაზე თავდასხმები სწორედ იქიდან დაიწყება. ეს საფრთხეს უქმნის, მაგალითად, ხარკოვს", - თქვა მან და განმარტა, რომ კონტრშეტევის მიზანი „უკრაინის ყველა ოკუპირებული ტერიტორიის, მათ შორის ყირიმის გათავისუფლებაა“. 

„ჩვენ შევწყვეტთ მხოლოდ მაშინ, როცა ქვეყანას 1991 წლის საზღვრებში აღვადგენთ“, - განაცხადა სკიბიცკიმ.

ავტორი: ექსპრესნიუსი,

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს