სისასტიკე ვერასდროს დაამსხვრევს თავისუფალთა ნებას და უკრაინა არასდროს იქნება რუსეთისთვის გამარჯვება, - ასე გამოეხმაურა აშშ-ის პრეზიდენტი ჯო ბაიდენი რუსეთის უკრაინაში შეჭრიდან ერთი წლისთავს.

როგორც ბაიდენი სოციალურ ქსელში წერს, იმპერიის აღდგენისკენ მიდრეკილი დიქტატორი ვერასდროს გაანადგურებს ხალხის სიყვარულს თავისუფლებისადმი.

"დღეს გავიმეორებ იმას, რაც ვთქვი ერთი წლის წინ, როდესაც რუსეთი უკრაინაში შეიჭრა.
იმპერიის აღდგენისკენ მიდრეკილი დიქტატორი ვერასდროს გაანადგურებს ხალხის სიყვარულს თავისუფლებისადმი. სისასტიკე ვერასდროს დაამსხვრევს თავისუფალთა ნებას და უკრაინა არასდროს იქნება რუსეთისთვის გამარჯვება. არასოდეს",- წერს ბაიდენი. 

ერთი წლის წინ - 2022 წლის 24 თებერვალს რუსეთმა უკრაინაში სრულმასშტაბიანი ომი წამოიწყო. ორი დღით ადრე, 22 თებერვალს მოსკოვმა მის მიერ მხარდაჭერილი დონეცკისა და ლუგანსკის ე.წ. სახალხო რესპუბლიკების დამოუკიდებლობა ცნო და უკრაინაში შეჭრას „სამხედრო ოპერაცია“ უწოდა.  

უკრაინაში საგანგებო მდგომარეობაა გამოცხადდა და საჰაერო სივრცე ჩაიკეტა. რუსი ოკუპანტები უკრაინას სხვადასხვა მიმართულებიდან უტევენ. თავს ესხმიან მშვიდობიან მოქალაქეებს და სტრატეგიულ სამხედრო ობიექტებს, ანადგურებენ კრიტიკულ ინფრასტრუქტურას. 

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა