|
2023-02-23 09:59:01, 781 ნახვა
საზოგადოება
ალასანია - გადაწყვიტეს მოკლან ჩემი შვილი, მას სასიკვდილო განაჩენი აქვს გამოტანილი
გადაწყვიტეს მოკლან ჩემი შვილი, სასიკვდილო განაჩენი აქვს გამოტანილი,- ამის შესახებ მესამე პრეზიდენტის დედამ, გიული ალასანიამ უკრაინელ ჟურნალისტთან, დიმიტრი გორდონთან ინტერვიუში განაცხადა. მისი თქმით, ივანიშვილისთვის მიმართვას აზრი აქვს, რადგან ყველაფერი პუტინზეა დამოკიდებული, მას კი რასაკვირველია უხარია, რომ სააკაშვილი ციხეშია. "2003 წლის ვარდების რევოლუციისა და მერე 2004 წლის შემდეგ ასეთი ფინალი ვერ წარმომედგინა. ის რასაც ჩვენ ახვლა ვხედავთ წარმოუდგენელია, რატომაღაც ისევ მეთოთხმეტე საუკუნეში დავბრუნდით. ცოტახნის წინ ჩენმა პრემიერმა, მიუნხენში ყოფნისას განაცხადა, რომ სააკაშვილი სისხლისღვრისთვის ჩამოვიდა. საინტერესოა, 2003 წელს რევოლუციის დროს თმის ღერიც არავის ჩამოვარდნია. საიდან მოიტანეს ეს. სად დაღვარა სისხლი?! ის ახლა ძალიან ცუდადაა. ის მოწამლეს ციხეში, რაც უკვე დადასტურებულია საუკეთესო ლაბორატორიებში. მას აქვს ინტოქსიკაცია და ეს მძიმე მეტალები უნდა გამოდევნონ ორგანიზმიდან, მაგრამ ამას არ აკეთებენ. ამიტომ ის ყოველდღიურად უფრო და უფრო ცუდადაა. ყოველდღე მაღალი სიცხე აქვს, ძვალი და ტყავია დარჩენილი რადგან კახექსია აქვს, გაუარესების ფონზე არ შეუძლია მოძრაობა, აქვს სახსრების და კუნთების ტკივილი. ძალიან რთულია ამის ყურება და მე ყოველდღე სასწაულს ველოდები. მათთვის, ვინც გადაწყვეტილებას იღებს, ჩემი შვილის გაკეთებულს არანაირი ფასეულობა არ აქვს და პირიქით ისინი მუშაობენ, რომ სახელმწიფოებრიობა გაანადგურონ. გადაწყვიტეს მოკლან ჩემი შვილი, სასიკვდილო განაჩენი აქვს გამოტანილი. თუმცა ძალიან წუხს, რომ არ არის ახლა უკრაინაში. ივანიშვილისთვის მიმართვას აზრი აქვს, რადგან რასაც მე ვხედავ, ის დამოკიდებულია პუტინზე. პუტინს რასაკვირველია უხარია, რომ სააკაშვილი ციხეშია. ახლა მძიმე პერიოდი გვაქვს, მაგრამ ჩემი შვილი ოპტიმისტია, აქვს გეგმები და თვლის, რომ ეს ყველაფერი დროებითია",- განაცხადა ალასანიამ. შეგახსენებთ, 6 თებერვალს თბილისის საქალაქო სასამართლომ მიხეილ სააკაშვილის გათავისუფლების ან სასჯელის გადავადების შუამდგომლობა არ დააკმაყოფილა. გადაწყვეტილება მოსამართლე გიორგი არევაძემ მიიღო.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



