|
2023-02-22 14:25:38, 782 ნახვა
საზოგადოება
ხაჭაპურიძე - ექიმებმა შემოგვაპარეს ინფორმაცია, რასაც თვეებია გავიძახით - სააკაშვილი მომაკვდავ მდგომარეობაშია
სააკაშვილი მომაკვდავ მდგომარეობაშია, ამის გადაბრალება პაციენტზე ეთიკის ნაკლებობა და ცინიზმის დემონსტრირებაა, - ასე ეხმაურება მესამე პრეზიდენტის ადვოკატი შალვა ხაჭაპურიძე მიხეილ სააკაშვილის მდგომარეობაზე კლინიკა "ვივამედის" ექიმების დღევანდელ განცხადებას. როგორც ხაჭაპურიძე სოციალურ ქსელში წერს, ექიმებმა დღევანდელ საგანგებო ბრიფინგზე ისაუბრეს იმაზე, რაზეც ექსპრეზიდენტის დაცვის მხარე ყურადღებას თვეების განმავლობაში ამახვილებს. "ექიმთა ჯგუფმა შემოგვაპარა ინფორმაცია, რასაც ჩვენ თვეებია გავიძახით - მიხეილ სააკაშვილი არის მომაკვდავ მდგომარეობაში! ამის გადაბრალება პაციენტზე არის ეთიკის ნაკლებობა და ცინიზმის დემონსტრირება. სააკაშვილის სიცოცხლე საფრთხეშია!" - წერს ხაჭაპურიძე "ფეისბუქის" საკუთარ გვერდზე. შეგახსენებთ, დღეს, 22 თებერვალს გამართულ საგანგებო ბრიფინგზე მიხეილ სააკაშვილის მკურნალმა ექიმმა, თამარ დავარაშვილმა განაცხადა, რომ ექსპრეზიდენტის მდგომარეობა დამძიმებისკენ მიდის. დავარაშვილის თქმით, პაციენტი დასუსტებულია, არის მწოლიარე მდგომარეობაში, აქვს კიდურების ტკივილი, სხეულის წონა და მასის ინდექსი კი დაქვეითებულია. ბრიფინგზე ასევე ისაუბრა "ვივამედის" ენდოკრინოლოგმა და ნუტრიციოლოგმა სოფო მებუკემ, რომელმაც აღნიშნა, რომ პაციენტის ენერგეტიკული ბალანსი უარყოფით რეჟიმშია, რაც ნიშნავს იმას, რომ სააკაშვილი მისი ორგანიზმის ფუნქციონირებისა და წონის შენარჩუნებისთვის საჭირო კალორიების მესამედს ან მეოთხედს იღებს. ენდოკრინოლოგის აზრით, მადის დაქვეითების ფენომენს თავისუფლების იძულებით აღკვეთა განაპირობებს.
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
უკრაინამ ყირიმის ხიდს შეუტია
ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ექსპრესნიუსი,



