ყოფილმა სახალხო დეპუტატმა ვიქტორ მედვედჩუკმა, რომელიც რუსეთს უკრაინელი პატიმრების სანაცვლოდ გადაეცა, ვლადიმერ პუტინს უკრაინის დაპყრობის "გეგმა B" შესთავაზა, - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსეი დანილოვმა განაცხადა.

როგორც დანილოვმა BBC News Ukraine-სთან ინტერვიუში აღნიშნა, დღეს კრემლში უკვე ესმით, რომ რუსეთი უკრაინის სრულად ხელში ჩაგდებას ვერ შეძლებს, ამიტომ საჭიროა ახალი გეგმა.

"რუსეთში ახლა ამოცანაა ე.წ. კორეული ვერსიის შექმნა. (...) "გეგმა B" - როდესაც გააკეთებენ ე.წ.მეორე უკრაინას. ამ გიჟურმა გეგმამ იქ მიიყვანა მედვედჩუკი. მედვედჩუკს სჯერა, რომ ის არის პროფესიონალი უკრაინის საკითხებში, მაგრამ ის უბრალოდ მოღალატეა“, - განაცხადა ეროვნული უსაფრთხოებისა და თავდაცვის საბჭოს მდივანმა.

ცნობისთვის, 2021 წლის მაისში, ჯერ კიდევ მოქმედი დეპუტატი ვიქტორ მედვედჩუკი დააკავეს და შინაპატიმრობა მიუსაჯეს. თებერვლის ბოლოს, როდესაც დაიწყო რუსეთის ფედერაციის სრულმასშტაბიანი შეჭრა უკრაინაში, მედვედჩუკი გაიქცა შინაპატიმრობიდან, მაგრამ აპრილში ის კვლავ დააკავა SBU-მ და წინასწარი მოთავსების იზოლატორში მოათავსა.

21 სექტემბერს, პატიმრების გაცვლის ფარგლებში, მედვედჩუკი ექსტრადირებული იქნა რუსეთში, უკრაინამ მის სანაცვლოდ 200 უკრაინელი მებრძოლი მიიღო. იანვარში პრეზიდენტმა, ვოლოდიმირ ზელენსკიმ მედვედჩუკს უკრაინის მოქალაქეობა ჩამოართვა.

ავტორი: ექსპრესნიუსი,

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა