02:09 - 17 Nov, 2026
ჩვენ შესახებ რეკლამა/ხელმოწერა
2023-02-12 17:38:09, 1029 ნახვა

საზოგადოება
„ხელოვნება ცოცხალი და დამოუკიდებელია“ - ეროვნულ გალერეასთან მხატვარ სანდრო სულაბერიძის მხარდამჭერი აქცია იმართება

თბილისში, ეროვნულ გალერეასთან სახელწოდებით - "ხელოვნება ცოცხალი და დამოუკიდებელია" აქცია იმართება. აქციაზე შეკრებილი ხელოვნების სფეროს წარმომადგენლები მხატვარ სანდრო სულაბერიძეს მხარდაჭერას უცხადებენ და მის წინააღმდეგ სისხლის სამართლის საქმის აღძვრას აპროტესტებენ.

აქციის მონაწილეები ასევე კვალიფიკაციის შეცვლას სთხოვენ შინაგან საქმეთა სამინისტროს და აცხადებენ, რომ საქმის აღძვრა კულტურის მინისტრის, თეა წულუკიანის მიერ ცენზურის მცდელობას წარმოადგენს.

"მე არ მგონია, რომ ჩვენ წულუკიანი ამ ხერხებით შევაკავოთ, თუმცა ეს პროტესტი არის ძალიან მნიშვნელოვანი იმისთვის, რომ შემდეგმა ხელოვანმა ან ნებისმიერმა ადამიანმა, ვისაც მოუნდება პროტესტის გამოხატვა, იცოდეს, რომ იქნება დაცული და საზოგადოება მის გვერდზე იდგება. ეს იყო წულუკიანის მხრიდან დაშინების მცდელობა და ჩაუვარდა კოვზი ნაცარში, რადგან პირიქით, საზოგადოების ძალიან დიდი კონსოლიდაცია მოხდა. წულუკიანს არაფერი არ უშველის, გარდა გაგდებისა", - უთხრა "ტვ პირველს" აქციაზე მისულმა სამოქალაქო აქტივისტმა, ნატა ფერაძემ.

ცნობისთვის, 4 თებერვალს, გამოფენის „ავტოპორტრეტი სარკესთან“ მონაწილემ, სანდრო სულაბერიძემ ეროვნულ გალერეაში საკუთარი ნამუშევარი ჩამოხსნა და მის ადგილას საღებავით კედელზე ფრაზა - „ხელოვნება ცოცხალი და დამოუკიდებელია!“ დაწერა. აღნიშნულთან დაკავშირებით, შსს-მ გამოძიება დაიწყო 177-ე მუხლის, მეორე ნაწილის ა ქვეპუნქტით, რაც გულისხმობს ქურდობას, რომელმაც მნიშვნელოვანი ზიანი გამოიწვია.





ავტორი: ექსპრესნიუსი,


სოციალური ქსელები
ზელენსკიმ უკრაინას, აშშ-სა და ევროპას შორის ლიდერების დონეზე მიმდინარე „რთულ“ დიალოგზე ისაუბრა
მაკა ბოჭორიშვილი: ჩვენ ვაგრძელებთ მუშაობას იმისათვის, რომ ეუთო-ს მომავალი წლის თავმჯდომარეობაზე კონსენსუსი იყოს მიღწეული
ხაბეიშვილი მოსამართლეებზე - ეს აბსოლუტური სკუნსები, როგორ ბედავენ საქართველოს სახელით საუბარს?! ეს თვალებყლეპია ხალხი ანწუხელიძეს, საქართველოს რა უფლებით ასამართლებს?!
ბოჭორიშვილი კატარის საგარეო საქმეთა სახელმწიფო მინისტრს, სულთან ბინ საად ალ-მურაიხის შეხვდა
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics