პოლონეთის მთავრობა საქართველოს ხელისუფლებას მიხეილ სააკაშვილის პოლონეთში სამკურნალოდ გადაყვანას სთავაზობს. გამოცემა Onet-ის ცნობით, ამის შესახებ ქვეყნის პრემიერ-მინისტრმა, მატეუშ მორავეცკიმ ბრიუსელში, ევროსაბჭოს სხდომის შემდეგ გამართულ კონფერენციაზე განაცხადა.

როგორც პრემიერმა აღნიშნა, თუ საქართველოს ხელისუფლებას სურს, ევროპულ მისწრაფებებზე დადებითი პასუხის იმედი ჰქონდეს, ქვეყანამ აღნიშნული მიმართვა სერიოზულად უნდა მიიღოს.

“პოლონეთმა გამოთქვა ინიციატივა და მე ამ საკითხზე ბევრ სხვა პრემიერ-მინისტრს ვესაუბრე, რომ მივმართოთ საქართველოს ხელისუფლებას ყოფილი პრეზიდენტის, მიხეილ სააკაშვილის გადაცემის თაობაზე, რათა მან პოლონეთში იმკურნალოს. ჩვენ გვეშინია, რომ მას საქართველოში, შესაძლოა, ყველაზე უარესი დაემართოს.

თუ საქართველოს სურს, თავის ევროპულ მისწრაფებებზე დადებითი პასუხის იმედი ჰქონდეს, მან ასევე სერიოზულად უნდა მიიღოს ეს მიმართვა, რომელსაც საბჭოს დიპლომატიური სამსახური უკვე ადგენს”, - აცხადებს მატეუშ მორავეცკი. 

ავტორი: ექსპრესნიუსი,

სოციალური ქსელები

ორბანის წინააღმდეგ გამოძიების ფარგლებში, თითქმის 20 მილიონი დოლარის ფარული ფონდი აღმოაჩინეს

ზელენსკი - აშშ-მ იკითხა, დატოვებდა თუ არა უკრაინა დონბასს ნატოში გაწევრიანების შემთხვევაში.

ელენე ხოშტარია ციხიდან საკონსტიტუციო სასამართლოს მოსამართლეებს მწვავე წერილით პასუხობს და კითხვებს უსვამს

პროკურატურა ფეიქრიშვილის საქმეზე პატარიძის და ფირცხალავას მიმართ გირაოს გამოყენებას მოითხოვს